1 MARTSA 2024
ROSIA

Voaheloka Higadra Valo Taona ny Rahalahy Aleksandr Chagan

HANDEFA

Nomelohin’ny Fitsaram-paritr’i Tsentralniy any Tolyatti, any amin’ny Faritr’i Samara, higadra valo taona ny Rahalahy Aleksandr Chagan, tamin’ny 29 Febroary 2024. Tonga izy dia naiditra am-ponja rehefa vita ny fitsarana azy.

Ilay voampanga

Aleksandr Chagan

Teraka: 1971 (tany Ukraine)

Mombamomba azy: Mpamorona programana ordinatera no asany

Lasa saina hoe nahoana ny olona no nisy. Nahita valiny mahafa-po rehefa nianatra Baiboly tamin’ny Vavolombelon’i Jehovah. Natao batisa tamin’ny 2001

Nanambady an’i Yekaterina tamin’ny 2008

Resadresaka nifanaovana taminy a

Inona, ohatra, no zava-tsarotra natrehinao nandritra ny fitsarana anao?

Tsy mora tamiko ny namaky an’ireo antontan-taratasy momba an’ilay raharaha. Be zavatra diso sy fanaratsiana momba ahy sy ny vahoakan’i Jehovah mantsy tao. Matetika aho no nangataka tamin’i Jehovah mba hanome hery ahy sy hanampy ahy ho vonona hiatrika an’ilay fitsarana. Nanampy ahy ilay fitantarana ao amin’ny 2 Mpanjaka 13:18. Niteny tamin’i Joasy Mpanjaka i Elisa mba handray zana-tsipìka vitsivitsy sy hikapoka ny tany. Intelo ihany anefa i Joasy no nikapoka an’ilay izy. Hita hoe tsy tena te hiady tamin’ny fahavalon’ny Israely izy. Tsapako hoe mila mitondra ny anjara birikiko aho, mba hiarovana ny vaovao tsara eny amin’ny fitsarana. Tsy tokony ho kivy mihitsy aho, ary tapa-kevitra aho ny hanao izay rehetra azoko atao mba ho vonona tsara rehefa hiakatra fitsarana. Haiko hoe hahomby aho satria manampy ahy i Jehovah ary mivavaka mafy ho ahy ireo rahalahy sy anabavy.

Hivavaka amin’i Jehovah foana isika mba “ho miramirana” amin’i Aleksandr sy ireo rahalahy rehetra mafana fo miaro ny anarany izy.—Salamo 119:135, 139.

Zava-nitranga

4 Martsa 2022

Nosavana ny tranony
14 Septambra 2022

Nampangaina hoe mpanao heloka bevava
21 Septambra 2022

Nosavana fanindroany ny tranony
22 Septambra 2022

Nalaina am-bavany, ary voatazona tany indray alina
23 Septambra 2022

Nafahana ary tsy navela nanao dia lavitra
23 Aogositra 2023

Nanomboka ny fitsarana azy
29 Febroary 2024

Voaheloka higadra valo taona

a Talohan’izy nogadraina no nakana an’ireo fanazavana ireo.

Jereo Koa

VAOVAO

Gadraina Noho ny Finoany: Rosia

Gadraina noho ny finoany ny Vavolombelon’i Jehovah any Rosia. Diniho ny tantaran-dry zareo ary ataovy pirinty ny lisitr’ireo Vavolombelona izay any am-ponja amin’izao.

VAOVAO