28 OKTOBRA 2021
ROSIA
Voampanga Ilay Mpampianatra 80 Taona Efa Misotro Ronono Satria Niresaka Momba ny Baiboly
VAOVAO FARANY | Nolavin’ny Fitsarana Rosianina ny Fangatahana Hampiakatra Fitsarana Nataon’ny Anabavy Yelena Savelyeva
Nolavin’ny Fitsaram-paritr’i Tomsk ny fangatahana hampakatra fitsarana nataon’ny Anabavy Yelena Savelyeva, tamin’ny 14 Febroary 2022. Tsy migadra anefa izy izao.
Zava-nitranga
17 Novambra 2021
Nomelohin’ny Fitsaran’i Severskiy, any amin’ny Faritr’i Tomsk, i Yelena. Nomena sazy mihantona efa-taona izy. Efa nasaina nandoa onitra 500 000 roubles (30 tapitrisa mahery) koa anefa io anabavy 80 taona io talohan’izay
22 Jolay 2021
Nihaona voalohany tamin’ny fitsarana izy
25 Martsa 2021
Nampangain’ny mpampanoa lalàna rosianina i Yelena hoe mpanao heloka bevava. Voampanga izy satria, hono, nandresy lahatra sy nandray ary nitaona olona handray anjara tamin’ny asa ataon’ny fikambanana “mampidi-doza.” Mifanaraka amin’ny Andininy faha-282.2 amin’ny Fehezan-dalàn’ny Federasionan’i Rosia Momba ny Heloka Bevava ilay fiampangana.
Vehivavy roa niresahany momba ny Baiboly no nijoro vavolombelona niampanga azy. Mpiasan’ny FSB ilay iray ary ny iray indray mpiasan’ny Mpiambina ny Firenena Rosianina. Mody niseho hoe liana tamin’ny Baiboly izy ireo nefa noraisiny feo an-tsokosoko daholo ny resadresaka nifanaovan’izy sy Yelena. Nalefany tany amin’ny manam-pahefana avy eo ny mombamomba an’i Yelena sy ny mpiara-manompo taminy maromaro
Ilay voampanga
Mampahery antsika ny fahatapahan-kevitr’i Yelena hoe tsy hivadika mihitsy na dia henjehina aza. Matoky isika hoe hitan’i Jehovah daholo izay ‘miara-miezaka mba hino ny vaovao tsara foana, sady tsy manaiky hampitahorin’ireo mpanohitra mihitsy.’—Filipianina 1:27, 28.
Mety ho Tianao Koa
VAOVAO
Gadraina Noho ny Finoany: Rosia
Gadraina noho ny finoany ny Vavolombelon’i Jehovah any Rosia. Diniho ny tantaran-dry zareo ary ataovy pirinty ny lisitr’ireo Vavolombelona izay any am-ponja amin’izao.