6 JOLAY 2023
SILIA
Olona An’aliny no Tratran’ny Tondra-drano Tany Silia
Nisy rivo-doza nahery vaika be tany amin’ny faritra atsimo sy afovoan’i Silia, nanomboka tamin’ny 22 ka hatramin’ny 25 Jona 2023 lasa teo. Maherin’ny 58 santimetatra ny hatevin’ny orana tamin’ilay izy. Lasa nisy tondra-drano tany amin’ny faritra tratran’ilay rivo-doza. Olona 20 000 eo ho eo no nipetraka tany amin’ireo faritra niharam-boina ireo, dia trano 5 000 mahery no simba na rava tanteraka. Mbola misy olona an’arivony afindra toerana any izao. Olona roa no fantatra hoe maty vokatr’ilay loza, dia misy olona roa hafa mbola karohina.
Vokatr’ilay izy tamin’ny mpiara-manompo
Tsy nisy ny mpiara-manompo naratra na maty
Mpitory 212 no nafindra toerana
Trano 13 no simba be
Trano 38 no nisy simba kely
Tsy nisy ny Efitrano Fanjakana na tranon’ny fandaminana simba
Fanampiana tra-boina
Mpiasa an-tsitrapo an-jatony no manampy amin’ny fanadiovana sy fanamboarana ny trano simba
Mampahery ny tra-boina amin’ny alalan’ny Baiboly ny mpiandraikitra ny faritra sy ny anti-panahy, sady manampy an-dry zareo
Komitin’ny Vonjy Rano Vaky 2 no notendrena mba hiandraikitra ny fanampiana tra-boina
Mivavaka isika mba homen’i Jehovah fampiononana sy hery foana ny rahalahy sy anabavintsika any Silia, amin’izao voina mahazo an-dry zareo izao.—2 Tesalonianina 2:16, 17.