Nafahana avy tao amin’ny fonja iray any Yavan, any Tadjikistan, ny Rahalahy Rustamjon Norov tamin’ny 21 Septambra 2021. Notanana am-ponja vonjimaika izy nanomboka tamin’ny Oktobra 2020 satria tsy nety nanao miaramila noho ny feon’ny fieritreretany. Voaheloka higadra telo taona sy tapany izy nefa nafahana aloha kokoa, satria nisy lalàna iray momba ny famotsoran-keloka nampiharina tany, tamin’ny voalohandohan’ny volana Septambra.