26 JANOARY 2022
TONGA
Volkano Nipoaka sy Tsunami Nandravarava An’i Tonga
Nisy tsunami nandravarava tany amin’ny Nosy Tonga, tamin’ny 15 Janoary 2022, vokatry ny volkano nipoaka tany ambany rano, tao amin’ny Oseana Pasifika. Tonga hatrany Amerika Atsimo sy Japon ny vokatr’ilay volkano nipoaka. Tena nanimba zavatra be eran’ny Tonga ny lavenona niparitaka sy ny tondra-drano. Lasa tapatapaka be koa ny fifandraisana sy ny fampitana vaovao.
Vokatr’ilay izy tamin’ny mpiara-manompo
Tsy nisy naratra ny rahalahy sy anabavintsika
Fanampiana tra-boina
Natsangana ny Komitin’ny Vonjy Rano Vaky
Nisy rahalahy maromaro nanampy nanala lavenona teny amin’ny tafon’ny tra-boina. Mifandray amin’ny fanangonan-dry zareo rano hosotroina mantsy ilay tafo nefa feno lavenona
Nanaraka tsara ny toromarika fiarovana amin’ny COVID-19 daholo ny rahalahy rehetra nanampy ny tra-boina
Tonga dia niverina nanao zavatra ara-panahy hoatran’ny fanaony ny mpiara-manompo, ary mivory tsy tapaka. Tena “mpanampy sy mpampionona” an’ireny rahalahy sy anabavintsika tratran’ny loza ireny tokoa i Jehovah.—Salamo 86:17.