Nomelohin’ny fitsarana miaramila iray any Turkménistan higadra roa taona ny Rahalahy Ruslan Artykmyradov, tamin’ny 11 Janoary 2021. Fanindroany izy izao no gadraina noho izy tsy mety manao miaramila.

Tsy kivy i Ruslan fa nitsikitsiky taorian’ny nanambarana an’ilay didim-pitsarana. Nanonona ny tenin’i Jesosy ao amin’ny Matio 24:13 izy rehefa nentina niala teo amin’ilay fitsarana. Izao no voalaza ao: “Izay miaritra hatramin’ny farany no hovonjena.”

Mampahery antsika ny finoan’ireo rahalahy tanora any Turkménistan. Vonona hanahaka an’i Jesosy, ilay Modelintsika, izy ireo. Niaritra ny mafy mantsy i Jesosy “noho ilay fifaliana natao teo anoloany.”—Hebreo 12:2.