Navoaka tamin’ny endrika elektronika tamin’ny teny mambwe-lungu Ny Soratra Grika Kristianina—Fandikan-tenin’ny Tontolo Vaovao, tamin’ny 3 Aprily 2021. Ny Rahalahy Albert Musonda, anisan’ny Komitin’ny Sampan’i Zambia no namoaka an’ilay Baiboly, nandritra ny fandaharana iray nalaina video mialoha, dia afaka nijery an’izany ny mpitory tany Zambia sy Tanzania. Mpitory 2 531 no miteny mambwe-lungu any Zambia ary mpitory 325 kosa any Tanzania, antsoin’ny olona any koa hoe fipa ilay fiteny.

Ekipa nisy mpandika teny telo no nandika an’ilay Baiboly, nandritra ny herintaona sy sivy volana. Nanazava ny mpandika teny iray fa sarotra amin’ny olona sasany ny mamaky an’ilay Baiboly efa misy amin’ny teny mambwe-lungu, satria tranainy be ny teny nampiasaina. Hoy ny mpandika teny iray momba ilay Fandikan-tenin’ny Tontolo Vaovao: “Teny fampiasan’ny olona andavanandro no ao amin’io Baiboly io.”

Matoky isika fa hanampy olona maro miteny mambwe-lungu io fanomezana tsara be nomen’i Jehovah io ary hahafinaritra an-dry zareo koa ny mamaky ny Tenin’Andriamanitra.—Salamo 1:2.