MIAMBENA FOANA!

Horohoron-tany Nandravarava Be Tany Torkia sy Syria: Inona no Lazain’ny Baiboly?

HANDEFA

VAOVAO FARANY: 10 Febroary 2023

Araka ny tatitra voaray hatramin’ny alakamisy 9 Febroary 2023, dia efa mihoatra ny 20 000 ny olona matin’ilay horohoron-tany nandravarava an’i Torkia sy Syria tamin’ny alatsinainy. An’aliny no naratra ary ana hetsiny no lasa tsy nanan-kialofana.

Mbola manampy ny tra-boina ilay Komitin’ny Vonjy Rano Vaky anankiroa natsangan’ny Vavolombelon’i Jehovah ary mbola manampy amin’ny fitadiavana ny olona tsy matin’ny horohoron-tany. (Galatianina 6:10) Nisy solontenan’ny biraon’ny sampana any an-toerana tonga nampahery an’ireo niharan-doza ny ampitson’iny, na dia ratsy aza ny andro ary sarotra ny nandeha tany. (1 Petera 5:2) Hisy vaovao farany momba ny fanampiana an’ireo tra-boina hivoaka ao amin’ny jw.org.

Manome toky antsika ny Soratra Masina fa “akaiky an’izay torotoro fo i Jehovah, a ary mamonjy an’izay kivy.” (Salamo 34:18) Mety hanampy anao hiatrika an’izao fotoan-tsarotra izao ireto video sy lahatsoratra ireto:

Misy soso-kevitra tsara ho an’izay namoy havan-tiana ao amin’ilay video hoe Fampaherezana ho An’izay Nidonam-pahoriana.
Misy torolalana avy ao amin’ny Baiboly hanampy ny zanakao mba tsy hitebiteby be rehefa misy vaovao ratsy, ao amin’ilay lahatsoratra hoe “Inona no Azonao Atao mba Tsy Hatahotra Be ny Zanakao Rehefa Mahita Vaovao Ratsy?”

Nisy horohoron-tany nandravarava be tany Torkia sy Syria tamin’ny alatsinainy 6 Febroary 2023.

“Nisy horohoron-tany mahery vaika namono olona 3 700 tany amin’ny faritra maro tany Torkia sy tany avaratrandrefan’i Syria, tamin’ny alatsinainy. Nangatsiaka be ny andro ka vao mainka sahirana ireo olona an’arivony tra-boina tamin’ilay horohoron-tany na rava trano. Sarotra koa ny nitady ny olona tsy matin’ny horohoron-tany noho ny hatsiaka.”—Reuters, 6 Febroary 2023.

Mahavaky fo ny maheno zava-mitranga hoatr’izany, nefa afaka miantehitra amin’i Jehovah ilay “Andriamanitry ny fampiononana rehetra” isika. (2 Korintianina 1:3) “Manome fampiononana antsika [amin’ny alalan’ny] Soratra Masina” izy, amin’izay isika ‘manana fanantenana.’—Romanina 15:4.

Manazava amintsika ny Baiboly hoe: