1 Tesalonianina 5:1-28
5 Raha ny amin’ny fotoana sy ny vanim-potoana,+ ry rahalahy, dia tsy misy tokony hosoratako aminareo,
2 satria fantatrareo tsara fa ho avy toy ny mpangalatra amin’ny alina+ ny andron’i Jehovah.+
3 Rehefa milaza izy ireo+ hoe: “Fandriampahalemana+ sy filaminana!”, dia hanjo azy avy hatrany ny fandringanana+ tampoka, toy ny fitrangan’ny fanaintainana eo amin’ny vehivavy mihetsi-jaza.+ Ary tsy ho afa-mandositra mihitsy izy ireo.+
4 Fa ianareo kosa, ry rahalahy, dia tsy ao amin’ny maizina+ ka hoe hahatratra anareo tampoka toy ny mpangalatra+ izany andro izany.
5 Fa zanaky ny mazava+ sy zanaky ny andro avokoa ianareo.+ Tsy an’ny alina isika sady tsy an’ny haizina.+
6 Koa aoka àry isika tsy hatory+ toy ny hafa,+ fa aoka kosa hifoha hatrany+ sy hisaina tsara foana.+
7 Fa amin’ny alina+ no fatorian’izay matory,+ ary amin’ny alina koa no fimamoan’izay mpimamo.
8 Fa an’ny andro kosa isika, ka aoka hisaina tsara foana sy hitafy ny finoana+ sy ny fitiavana ho fiarovan-tratra,+ ary hitafy ny fanantenana famonjena+ ho fiarovan-doha,+
9 satria Andriamanitra tsy nanendry antsika ho amin’ny fahatezerana,+ fa ho amin’ny fahazoana famonjena+ amin’ny alalan’i Jesosy Kristy Tompontsika.+
10 Maty ho antsika izy,+ mba hahavelona antsika miaraka aminy,+ na mifoha isika na matory.
11 Koa mifampionòna sy mifampahereza hatrany,+ toy izao efa ataonareo izao.+
12 Ary izao no angatahinay aminareo, ry rahalahy: Mba asio fiheverana ireo miasa mafy eo aminareo, sy mitarika+ anareo eo amin’ny asan’ny Tompo ary mananatra anareo.
13 Angatahinay koa ianareo mba hanaja fatratra azy ireny amim-pitiavana, noho izay ataony.+ Aoka ianareo samy ho tia fihavanana.+
14 Ary mampirisika anareo koa izahay, ry rahalahy, mba hananatra ny tsy laitra fehezina,+ hanao teny mampahery ny kivy,+ hanohana ny malemy, ary hahari-po+ amin’ny olona rehetra.
15 Tandremo sao misy mamaly ratsy ny ratsy,+ fa aoka kosa hifanao soa hatrany sy hanao soa amin’ny olona rehetra.+
16 Mifalia mandrakariva.+
17 Ary aza mitsahatra mivavaka.+
18 Misaora amin’ny zava-drehetra,+ fa izany no sitrapon’Andriamanitra ny aminareo, eny, ny sitrapony amin’ny alalan’i Kristy Jesosy.
19 Aza mamono ny afon’ny fanahy.*+
20 Ary aza atao tsinontsinona ny teny faminaniana.+
21 Fantaro tsara ny zava-drehetra,+ ka mifikira amin’izay tsara.+
22 Fadio ny ratsy+ amin’ny endriny rehetra.
23 Hanamasina tanteraka anareo anie ilay Andriamanitry ny fiadanana!+ Enga anie ilay toe-tsaina* sy aina* ary vatana iraisanareo ka samy hotehirizina tsy hisy kilema amin’ny lafiny rehetra sy tsy hanan-tsiny amin’ny fanatrehan’i Jesosy Kristy Tompontsika!+
24 Tsy mivadika amin’ny teniny ilay miantso anareo, ary hanatanteraka izany rehetra izany koa izy.
25 Mivavaha foana ho anay, ry rahalahy.+
26 Miarahabà ny rahalahy rehetra, amin’ny oroka masina.+
27 Andraikitra lehibe ankiniko aminareo, eo anatrehan’ny Tompo, ny famakiana an’ity taratasy ity amin’ny rahalahy rehetra.+
28 Ho aminareo anie ny hatsaram-panahy tsy manam-paharoan’i+ Jesosy Kristy Tompontsika!
Fanamarihana
^ Gr.: pneoma. Jereo F.F. 3B.
^ Gr.: pneoma. Jereo F.F. 3B.
^ Gr.: psykè. Jereo F.F. 3A.
