Fitomaniana 1:1-22
א [Alefa]
1 Indrisy! Mipetraka irery+ ankehitriny ilay tanàna be olona fahiny.+Nanjary toy ny vehivavy mpitondratena+ ilay tanàna izay be mponina teo amin’ireo firenena!+Manao asa an-terivozona+ ilay andriambavin’ireo faritany!
ב [Beta]
2 Mitomany be izy mandritra ny alina,+ ary mikoriana amin’ny takolany ny ranomasony.+Tsy misy amin’izay rehetra tia azy mba mampionona azy.+Nivadika taminy avokoa ny namany,+ fa lasa fahavalony.+
ג [Gimela]
3 Lasa an-tsesitany i Joda noho ny fahoriana+ sy ny fanandevozana mafy.+Voatery monina any amin’ireo firenena izy.+ Tsy mahita fiadanana mihitsy izy.Nahatratra azy tampoka tao anatin’ny fahoriana ireo rehetra nanenjika azy.+
ד [Daleta]
4 Misaona ireo lalan’i Ziona, satria tsy misy mandeha mamonjy fety.+Tsy misy olona intsony eny amin’ny vavahadiny rehetra,+ ary misento ny mpisorony.+Vonton’alahelo ireo virjininy, ary izy koa aza ory dia ory.+
ה [He]
5 Ireo fahavalony no lasa ambony,+ ary tsy manana ahiahy ireny.+Nampahorin’i Jehovah izy noho ny fandikan-dalàna be dia be nataony,+Ka lasa babo teo anoloan’ny fahavalony ny zanany.+
ו [Vao]
6 Niala tamin’i Ziona zanakavavy ny famirapiratany rehetra.+Toy ny serfa tsy mahita tanimbilona ireo andrianany,+Ary tsy manan-kery izy ireo mandeha eo alohan’ny mpanenjika azy.+
ז [Zaina]
7 Tamin’ny andro naha ory an’i Jerosalema ka tsy nanan-kialofana ny olony, dia tsaroanyNy zava-tsarobidy rehetra azony fahiny.+Rehefa lavo teo an-tanan’ny fahavalo ny olony, ary tsy nisy nanampy i Jerosalema,+
Dia nahita izany ny fahavalo, ka nihomehy azy nianjera.+
ח [Heta]
8 Nanota an-kitsirano i Jerosalema,+ ka lasa zava-maharikoriko.+Izay rehetra nanome voninahitra azy, dia lasa manao tsinontsinona azy+ satria nahita ny fitanjahany.+Misento koa izy+ ary mitodi-damosina.
ט [Teta]
9 Eo amin’ny akanjony ny fahalotoany.+ Hadinony ny hoaviny.+Mahagaga ny fomba ianjerany. Tsy misy mpampionona izy.+Jehovah ô, jereo ny fahoriako,+ fa mirehareha ny fahavalo.+
י [Yôda]
10 Naninjitra ny tanany haka ny zava-tsarobidiny rehetra ireo fahavalo.+Nahita firenena niditra tao amin’ny toerany masina izy,+Nefa ianao efa nandidy hoe tsy mahazo miditra eo amin’ny fiangonanao ireny.
כ [Kafa]
11 Misento avokoa ny olony. Mangataka hanina izy ireo,+Ary nanome ny zava-tsarobidiny izy ireo mba hatakalo zavatra hohanina, ka hamelombelona azy.+Jehovah ô, jereo ka diniho fa nanjary toy ny vehivavy tsy misy vidiny aho.+
ל [Lameda]
12 Tsinontsinona aminareo mpandalo rehetra ve izany? Jereo ka diniho:+Mba misy fijaliana mafy toy izao manjo ahy izao ve,+Izay fahoriana avy amin’i Jehovah, amin’ny andro ampiharany ny fahatezerany mafy?+
מ [Mema]
13 Avy any amin’ny avo no andatsahany afo ho amin’ny taolako,+ ka ataony manaiky azy ny taolako tsirairay.Namelatra harato hamandrihana ny tongotro izy.+ Nampihemotra ahy izy.Nahatonga ahy ho vehivavy nafoy izy. Ary marary foana aho.+
נ [Nona]
14 Mailo foana izy ka hitany ny fandikan-dalàna ataoko.+ Mifamatopatotra eo an-tanany ireny.Ary miakatra eny amin’ny vozoko ireny.+ Mangozohozo ny heriko.I Jehovah efa nanolotra ahy teo an-tanan’ireo tsy voatohitro.+
ס [Sameka]
15 Nailik’i Jehovah tsy ho eo anivoko ny olo-maheriko rehetra.+Nampanao fivoriana izy hamelezana ahy, mba hamotipotehana ny zatovoko.+I Jehovah dia nanitsakitsaka ny lavaka famiazam-boalobok’i+ Joda zanakavavy virjiny.+
ע [Aina]
16 Noho izany rehetra izany, dia mitomany aho+ ka vonton-dranomaso.+Fa nanjary lavitra ahy ny mpampionona, izay tokony hamelombelona ahy.Nanjary nafoy ny zanako,+ fa mirehareha ny fahavalo.+
פ [Pe]
17 Namelatra ny tanany i Ziona.+ Tsy misy mpampionona izy.+Nodidian’i Jehovah ireo rehetra manodidina an’i Jakoba mba ho tonga fahavalony.+Lasa zava-maharikoriko teo amin’izy ireo i Jerosalema.+
צ [Tsade]
18 Rariny ny an’i Jehovah+ fa efa nikomy tamin’ny teniny aho.+Mihainoa, ry firenena rehetra, ary jereo ny fijaliako.Lasa any amin’ny fahababoana ny virjiniko sy ny zatovoko.+
ק [Kôfa]
19 Nantsoiko ireo tia ahy fatratra,+ nefa namitaka ahy ireny.Ny mpisorona sy ny lahiantitra teo amiko dia niala aina tao an-tanàna,+Eny, niala aina teo am-pitadiavana zavatra hohanina mba hamelombelomana ny tenany.+
ר [Resa]
20 Jehovah ô, jereo fa azom-pahoriana mafy aho. Mangotikotika ny tsinaiko.+Feno tebiteby ny foko tao anatiko tao,+ fa nikomy tanteraka aho.+Tany ivelany dia nandripaka ankizy ny sabatra,+ ary tao an-trano koa nisy fahafatesana.+
ש [Shina]
21 Ren’ny olona hoe misento aho.+ Tsy misy mpampionona aho.+Ren’ny fahavaloko rehetra ny loza manjo ahy.+ Mifaly izy ireo satria ianao no nanao izany.+Hataonao izay hiavian’ilay andro efa nambaranao,+ mba hahatonga azy ireo ho tahaka ahy.+
ת [Tao]
22 Enga anie ho eo anatrehanao ny faharatsiany rehetra! Ary asio mafy izy ireo,+Toy ny namelezanao ahy mafy noho ny fandikan-dalàna rehetra nataoko.+Fa be ny fisentoako,+ ary marary ny foko.+
