Jaona 17:1-26
17 Niandrandra ny lanitra+ i Jesosy rehefa avy nilaza izany, ka nanao hoe: “Ray ô, tonga ny fotoana. Omeo voninahitra ny zanakao mba hanomezany voninahitra anao.+
2 Fa efa nomenao fahefana amin’ny nofo rehetra izy+ mba hanomezany fiainana mandrakizay+ ho an’izay rehetra nomenao azy.+
3 Koa mba hahazoan’izy ireo fiainana mandrakizay,+ dia ilainy ny mianatra hahalala+ anao, ilay hany tena Andriamanitra,+ sy Jesosy Kristy, ilay nirahinao.+
4 Efa nanome voninahitra+ anao aho teto an-tany, satria vitako ny asa nasainao nataoko.+
5 Koa ankehitriny, Ray ô, omeo voninahitra eo anilanao aho, dia ilay voninahitra nananako teo anilanao fony mbola tsy nisy izao tontolo izao.+
6 “Ny anaranao efa nampahafantariko ny olona izay nomenao ahy avy tamin’izao tontolo izao.+ Anao izy ireo ka nomenao ahy, ary efa notandremany ny teninao.
7 Efa fantany izao fa avy taminao ny zava-drehetra nomenao ahy.
8 Ny teny nomenao ahy mantsy no nomeko azy ireo,+ ary noraisiny ka fantany tokoa fa avy taminao aho sady solontenanao.+ Nino izy fa ianao no naniraka ahy.+
9 Mangataka aminao ho azy ireo aho. Tsy mangataka ho an’izao tontolo izao+ aho fa ho an’ireo nomenao ahy, satria anao ireo
10 ary anao koa izay rehetra ananako, ary ahy izay anananao,+ ary efa nomem-boninahitra teo amin’izy ireo aho.
11 “Tsy ho eto amin’izao tontolo izao intsony aho, fa izy ireo kosa no eto+ ary izaho ho any aminao. Ray Masina ô, arovy izy ireo+ noho ny amin’ny anaranao izay nomenao ahy, mba ho iray tahaka antsika izy.+
12 Raha mbola teo aminy aho, dia niaro azy+ noho ny amin’ny anaranao izay nomenao ahy, eny, efa narovako izy ireo, ka tsy nisy ringana na iray aza,+ afa-tsy ilay zanaky ny fandringanana,+ mba hahatanteraka ny Soratra Masina.+
13 Ho any aminao anefa aho izao, ary milaza izany eo amin’izao tontolo izao aho, amin’izay dia ho feno ny fifaliako izy ireo.+
14 Efa nomeko azy ny teninao. Halan’izao+ tontolo izao anefa izy, satria tsy anisan’izao tontolo izao, tahaka ahy tsy anisan’izao tontolo izao.+
15 “Tsy ny hanalanao azy eto amin’izao tontolo izao no angatahiko, fa ny mba hiarovanao azy amin’ilay ratsy.+
16 Tsy anisan’izao tontolo izao izy,+ tahaka ahy tsy anisan’izao tontolo izao.+
17 Mba hamasino+ amin’ny alalan’ny fahamarinana izy ireo, fa ny teninao+ no fahamarinana.+
18 Toy ny nanirahanao ahy ho amin’izao tontolo izao, no hanirahako azy koa ho amin’izao tontolo izao.+
19 Ary ho azy ireo no anamasinako ny tenako, mba hanamasinana+ azy ireo koa amin’ny alalan’ny fahamarinana.
20 “Tsy ho an’ireto ihany anefa no angatahako fa ho an’izay mino ahy noho ny teniny,+
21 mba ho iray izy rehetra,+ tahaka anao Ray izay tafaray amiko, ary izaho tafaray aminao,+ mba ho tafaray amintsika koa izy ireo,+ ka hinoan’izao tontolo izao fa ianao no naniraka ahy.+
22 Efa nomeko azy ireo koa ilay voninahitra nomenao ahy, mba ho iray tahaka antsika koa izy ireo.+
23 Izaho tafaray aminy ary ianao tafaray amiko, mba ho iray tanteraka izy ireo,+ ka ho fantatr’izao tontolo izao fa ianao no naniraka ahy sady efa tia azy tahaka ny nitiavanao ahy.
24 Ray ô, mba tiako hiaraka amiko any amin’izay misy ahy ireo nomenao ahy,+ mba hahitany ny voninahitro izay nomenao ahy, satria ianao efa tia ahy talohan’ny nanorenana+ izao tontolo izao.+
25 Ray ô, marina+ ianao, ary tsy mahalala anao izao tontolo izao,+ fa izaho efa mahalala anao, ary ireto koa efa mahalala fa ianao no naniraka ahy.+
26 Efa nampahafantariko azy ny anaranao,+ ary mbola hampahafantariko ihany, mba ho ao aminy ilay fitiavana izay nitiavanao ahy, ary izaho ho tafaray aminy.”+
