Joba 16:1-22
16 Dia namaly i Joba hoe:
2 “Efa nandre zavatra maro toy izany aho.Mpampionona mandreraka daholo ianareo!+
3 Hisy farany ve izany teniteny foana izany?+Ary inona no mahasosotra anao, no mamaly ianao?
4 Izaho koa mba mahay miteny tahaka anareo.Raha ianareo anefa no teo amin’ny toerako,Izaho ve dia ho nanao teny tsara lahatra hanambaniana anareo,+Na ho nihivingivin-doha taminareo?+
5 Ho nampionona anareo tamin’ny teniko kosa aho,+Ary ny fampiononan’ny molotro dia ho nanamaivana...
6 Raha miteny aho, dia tsy mahasakana ny fahoriako izany.+Ary raha mangina aho, dia hampihena azy ve izany?
7 Izao anefa dia nataony reraka aho,+Ary nataony ripaka ny olona rehetra teo amiko.
8 Mihazona ahy koa ianao. Nanjary vavolombelona izany,+Ka vavolombelona miampanga ahy izao fahiazako izao. Eny, miampanga ahy eo anatrehako izany.
9 Nandrotidrotika ahy ny fahatezerany, ary mankahala+ ahy izy.Mihidy vazana amiko koa izy.+Manjary masiaka amiko ny mason’ny fahavaloko.+
10 Nitanatana vava handrapaka ahy ny olona,+Ary namely tehamaina ahy, no sady nandatsa.Maro be izy ireo no nifarimbona niady tamiko.+
11 Atolotr’Andriamanitra eo an-tanan’ny zazalahy aho,Ary atosiny mafy ho eo an-tanan’ny ratsy fanahy.+
12 Efa mba nipetraka nilamindamina aho, nefa nokorontaniny.+Noraisiny tamin’ny hatoko aho ka natontany,Ary atsangany indray mba hataony lasibatra.
13 Manodidina ahy ny mpandefa zana-tsipìkany.+Trobarany tsy ananany antra ny voako,+Ary ararany amin’ny tany ny aferoko.
14 Gorobahany tsy an-kijanona toy ny manda aho.Mihazakazaka miantoraka amiko toy ny lehilahy mahery izy.+
15 Akanjo gony+ no nozairiko ka nataoko manolo-koditra,Ary nahosiko tamin’ny vovoka ny voninahitro.*+
16 Boramena aho noho ny fitomaniana,+Ary misy haizim-pito eo amin’ny hodi-masoko,+
17 Nefa izaho tsy manisy ratsy olona,Ary madio ny vavaka ataoko.+
18 Ry tany ô, aza totofana ny rako!+Ary aoka tsy hisy toeram-pitsaharana ho an’ny fitarainako.
19 Ankehitriny dia misy manamarina ahy any an-danitra,Ary any amin’ny avo ny vavolombeloko.+
20 Mpisolovava miampanga ahy ny namako,+Nefa Andriamanitra no andrandraiko ary tsy mikimpy mihitsy ny masoko.+
21 Tokony havoaka ny didim-pitsarana amin’ny ady ifanaovan’ny lehilahy tomady sy Andriamanitra,Toy ny amin’ny ady ifanaovan’ny olona samy olona.+
22 Fa taona vitsivitsy sisa,Dia handeha amin’ny lalana tsy hiverenako intsony aho.+
Fanamarihana
^ A.b.t.: “tandroko.”
