Ohabolana 1:1-33
1 Ny ohabolan’i+ Solomona+ zanak’i Davida,+ mpanjakan’ny Israely,+
2 izay natao mba hahazoana fahendrena+ sy anatra.+ Natao koa izany mba hahatakarana ny hevitry ny teny mifono hevi-dalina,+
3 ary mba hanekena anatra,+ izay mahatonga ny olona ho lalin-tsaina+ sy ho marina+ ary hanao ny rariny+ sy ny hitsiny.+
4 Eny, nanao ohabolana izy mba ho malina+ ny tanora fanahy, ary hanam-pahalalana+ sy fahaiza-misaina+ ny zatovo.
5 Hihaino ny hendry ka hitombo ny zavatra fantany,+ ary ny mahira-tsaina no mahazo tari-dalana tsara,+
6 mba hahazoana ny dikan’ny ohabolana, sy ny teny saro-takarina,+ ary ny tenin’olon-kendry+ sy ny ankamantatra+ ataony.
7 Ny fahatahorana an’i Jehovah no fiandoham-pahalalana.+ Fa hamavoin’ny adala kosa ny fahendrena sy ny fananarana.+
8 Henoy, anaka, ny anatry ny rainao,+ ary aza atao tsinontsinona ny lalàn-dreninao.+
9 Fa fehiloha tsara tarehy eo amin’ny lohanao+ izany, ary rojo tena tsara eny amin’ny vozonao.+
10 Anaka, aza manaiky raha mitady hitaona anao ny mpanota.+
11 Raha tsy mitsahatra miteny izy hoe: “Andao hiaraka aminay. Andao hiafina mba handatsa-dra.+ Ary andao hamitsaka ao amin’ny takona mba hamely tsy amin’antony an’ireo tsy manan-tsiny.+
12 Andao isika hitelina azy velona+ toy ny Fasana,*+ eny, hitelina azy manontolo, sahala amin’izay latsaka any an-davaka.+
13 Andao isika hitady zava-tsarobidy isan-karazany,+ ka hofenointsika zavatra norobaina ny tranontsika.+
14 Tokony hiara-manao antsapaka aminay ianao ka ho namanay. Aoka ho kitapo iray ihany no ho antsika rehetra.”+
15 Raha izany no ataony, anaka, dia aza miara-dalana aminy.+ Ampanalaviro ny lalany ny tongotrao.+
16 Fa mihazakazaka hanao ratsy ny tongony,+ ary maika handatsa-dra izy.+
17 Fa very maina ny amelarana harato raha hatao eo imason’izay manana elatra.+
18 Koa miafina mba handatsaka ny ran’ireny izy,+ ary miafina mba hikendry ny ainy.*+
19 Izany no fanaon’ny olona mitady tombony amin’ny tsy rariny.+ Mahafaka ny ain’ny mahazo azy izany fitadiavan-tombony izany.+
20 Miantsoantso eny an-dalambe+ ny tena fahendrena.+ Manandratra ny feony eny an-tany malalaky ny tanàna izy.+
21 Eny an-tampom-piakarana amin’ny lalana be olona no iantsoantsoany.+ Eo amin’ny fidirana mankao am-bavahadin’ny tanàna no ilazany hoe:+
22 “Mandra-pahoviana ianareo tanora fanahy no mbola te hijanona ho tanora fanahy?+ Ary mandra-pahoviana ianareo mpaneso no mbola ho tia manesoeso?+ Ary mandra-pahoviana ianareo tsisy saina no mbola hankahala fahalalana?+
23 Miverena ka ekeo ny anatro,+ dia hataoko toy ny loharano miboiboika ao anatinareo ny heriko.+ Hampahafantariko anareo ny teniko.+
24 Efa niantsoantso aho fa nanda foana ianareo,+ ary efa nanolotra ny tanako aho fa tsy nisy niraharaha,+
25 ary tsy nasianareo vidiny ny torohevitro rehetra,+ ary tsy noraisinareo ny anatro.+
26 Koa hihomehy aho rehefa hanjo anareo ny loza,+ ary haneso aho rehefa ho avy izay hatahoranareo,+
27 eny, rehefa ho avy toy ny oram-baratra ny zavatra hatahoranareo, ary ho avy tahaka ny tafiotra ny loza hanjo anareo,+ ary ho tonga aminareo ny fahoriana sy ny fotoan-tsarotra.+
28 Hiantso ahy foana izy amin’izay, fa tsy hamaly aho,+ ary hitady ahy foana izy, nefa tsy ho hitany aho,+
29 satria nankahala fahalalana izy,+ ary tsy nifidy ny hatahotra an’i Jehovah.+
30 Tsy nanaiky ny torohevitro izy,+ sady tsy nandray ny fananarako rehetra.+
31 Koa hihinana ny vokatry ny nataony izy,+ ary ho vokin’ny tetika nataony.+
32 Fa ny fikomian’ny+ tanora fanahy no hahafaty azy,+ ary ny tsy firaharahan’ny tsisy saina no haharingana azy.+
33 Fa izay mihaino ahy kosa tsy hanana ahiahy,+ sady tsy mba hiady saina noho ny fahatahorana loza.”+
