Romanina 8:1-39
8 Koa tsy mahazo fanamelohana àry izay tafaray amin’i Kristy Jesosy.+
2 Efa nanafaka+ anao tamin’ny lalàn’ny ota sy fahafatesana+ mantsy ny lalàn’ny+ fanahy.+ Io fanahy io dia manome fiainana+ ao amin’i Kristy Jesosy.
3 Fa nisy zavatra tsy vitan’ny Lalàna,+ satria nampahalemy+ azy ny nofo. Noho izany, dia nanameloka ny ota ao amin’ny nofo Andriamanitra ka naniraka ny Zanany+ izay nanam-pitoviana tamin’ny nofo mpanota,+ mba hanesorana ny ota,+
4 ka hahafahantsika hanatanteraka ny zavatra ara-drariny takin’ny Lalàna,+ dia isika izay tsy mandeha araka ny nofo, fa araka ny fanahy.+
5 Fa ny olona araka ny nofo dia mampifantoka ny sainy amin’ny zavatry ny nofo,+ fa ny olona araka ny fanahy kosa mampifantoka ny sainy amin’ny zavatry ny fanahy.+
6 Fa ny fampifantohana ny saina amin’ny nofo dia midika ho fahafatesana,+ ary ny fampifantohana ny saina amin’ny fanahy+ kosa midika ho fiainana sy fiadanana,
7 satria fandrafiana an’Andriamanitra ny fampifantohana ny saina amin’ny nofo.+ Sady tsy eo ambanin’ny lalàn’Andriamanitra mantsy ny nofo,+ no tsy mety ho toy izany.
8 Koa tsy afaka mahazo sitraka amin’Andriamanitra àry ny olona araka ny nofo.+
9 Tsy araka ny nofo anefa ianareo, fa araka ny fanahy,+ raha mitoetra ao anatinareo tokoa ny fanahin’Andriamanitra.+ Fa raha misy tsy manana ny fanahin’i Kristy,+ dia tsy an’i Kristy izy.
10 Raha tafaray aminareo i Kristy,+ na dia maty aza ny vatanareo noho ny ota, dia mitondra fiainana kosa ny fanahy masina+ noho ny fahamarinana.
11 Koa raha mitoetra ao anatinareo ny fanahin’ilay nanangana an’i Jesosy tamin’ny maty, dia hamelona+ ny vatanareo mety maty ilay nanangana an’i Kristy Jesosy tamin’ny maty,+ ary amin’ny alalan’ny fanahiny izay mitoetra ao anatinareo no hanaovany izany.
12 Koa tsy voatery hiaina araka ny nofo+ na hanatanteraka ny faniriany intsony isika, ry rahalahy.
13 Fa ho faty tokoa ianareo raha velona araka ny nofo.+ Ho velona kosa anefa ianareo raha ny fanahy no amonoanareo ny fanaon’ny nofo.+
14 Fa izay rehetra tarihin’ny fanahin’Andriamanitra no zanak’Andriamanitra.+
15 Tsy mitondra anareo ho amin’ny fanandevozana ny fanahin’Andriamanitra,* sady tsy mampisy tahotra,+ fa mahatonga anareo hatsangana ho zanaka+ kosa. Ary io fanahy io no mahatonga antsika hiantso mafy hoe: “Aba,*+ Ray ô!”
16 Ny fanahin’Andriamanitra*+ sy ny saintsika+ dia miara-manaporofo+ fa zanak’Andriamanitra+ isika.
17 Raha zanaka àry isika, dia mpandova koa: Eny tokoa, mpandova an’Andriamanitra, fa mpiara-mandova+ amin’i Kristy kosa, raha miara-mijaly+ aminy isika mba homem-boninahitra miaraka aminy koa.+
18 Koa heveriko ho tsinontsinona ny fijaliana+ amin’izao fotoana ankehitriny izao, raha oharina amin’ny voninahitra+ izay efa haharihary amin’ny alalantsika.
19 Fa ny zavaboary dia miandry fatratra+ ny fampiharihariana an’ireo zanak’Andriamanitra.+
20 Fa navela ho tonga zava-poana ny zavaboary,+ nefa tsy noho ny sitrapony fa noho ny sitrapon’ilay namela izany hitranga. Eny, navela hitranga izany, miorina amin’izao fanantenana+ izao:
21 Ny zavaboary+ koa dia hafahana+ amin’ny fanandevozan’ny fahalovana, ka hanana ny fahafahana be voninahitr’ireo zanak’Andriamanitra.
22 Fantatsika mantsy fa mbola miara-mitoloko sy miara-mijaly foana ny zavaboary rehetra mandraka ankehitriny.
23 Ankoatra izany, dia mitoloko+ ao am-po koa isika izay manana ny voaloham-bokatra,+ izany hoe ny fanahy, sady miandry fatratra ny fananganana antsika ho zanaka+ sy ny fanafahana antsika amin’ny vatantsika, amin’ny alalan’ny vidim-panavotana.
24 Fa novonjena isika rehefa nanana izany fanantenana+ izany. Ny fanantenana zavatra efa hita anefa dia tsy fanantenana, fa ahoana no mbola anantenan’ny olona an’izay efa hitany?
25 Fa raha manantena+ izay tsy hitantsika+ isika, dia miandry azy io hatrany ka miaritra.+
26 Ary toy izany koa fa tonga hanampy antsika noho ny fahalementsika+ ny fanahy.+ Izao mantsy no olana: Tokony hivavaka isika nefa tsy fantatsika akory izay tokony hangatahintsika.+ Miangavy ho antsika anefa ny fanahy+ rehefa mitoloko ao am-po tsy miloaka isika.
27 Fa fantatr’ilay mpandinika ny fo+ izay lazain’ny fanahy,+ satria araka ny sitrapon’Andriamanitra ny fiangavian’ny fanahy ho an’ny olona masina.+
28 Ary fantatsika fa ny zava-drehetra ataon’Andriamanitra+ dia ataony miara-miasa mba hahasoa an’ireo tia azy, dia ireo voantso araka ny fikasany.+
29 Ireo nekeny voalohany+ mantsy no notendreny mialoha+ koa hanahaka an’ilay modely,+ dia ny Zanany,+ mba ho lahimatoa+ amin’ny rahalahy+ maro ny Zanaka.
30 Ankoatra izany, dia ireo efa notendreny mialoha+ no nantsoiny+ koa, ary ireo nantsoiny no nambarany ho marina+ koa, ary ireo nambarany ho marina no nomeny voninahitra+ koa.
31 Inona àry no holazaintsika ny amin’izany? Raha momba antsika Andriamanitra, iza no hanohitra antsika?+
32 Tsy mba niaro ny Zanany izy,+ fa nanolotra azy hamonjy antsika rehetra.+ Koa nahoana no tsy homeny antsika amin-katsaram-panahy miaraka aminy koa ny zavatra hafa rehetra?+
33 Iza no hiampanga ireo voafidin’Andriamanitra?+ Fa Andriamanitra no Ilay manambara azy ireo ho marina.+
34 Iza àry no hanameloka azy ireo? Tsy misy, satria i Kristy Jesosy efa maty sy natsangana tamin’ny maty, ary izy ilay eo ankavanan’Andriamanitra+ sy miangavy ho antsika.+
35 Inona no hampisaraka antsika amin’ny fitiavan’i Kristy?+ Fahoriana ve, sa fijaliana, sa fanenjehana, sa hanoanana, sa fitanjahana, sa loza, sa sabatra?+
36 Araka ny voasoratra hoe: “Vonoina ho faty mandrakariva izahay noho ny aminao, ary toy ny ondry haripaka no fiheverana anay.”+
37 Mifanohitra amin’izany kosa, fa mivoaka ho mpandresy+ tanteraka isika amin’izany rehetra izany, amin’ny alalan’ilay tia antsika.
38 Fa matoky aho fa na fahafatesana, na fiainana,+ na anjely,+ na fitondram-panjakana,+ na zavatra ankehitriny, na zavatra ho avy, na hery,+
39 na ny ambony, na ny ambany, na zavaboary hafa, dia tsy hisy hahasaraka antsika amin’ny fitiavan’Andriamanitra, izay aseho amin’ny alalan’i Kristy Jesosy Tompontsika.+
