Salamo 107:1-43
(Salamo 107 – 150)
107 Misaora an’i Jehovah fa tsara izy,+Fa mandrakizay ny hatsaram-panahiny feno fitiavana.+
2 Aoka hilaza izany ireo navotan’i Jehovah,+Dia ireo navotany avy teo an-tanan’ny fahavalo,+
3 Sy nangoniny avy tany amin’ny tany maro,+Avy tany amin’ny fiposahan’ny masoandro sy ny filentehany,+Ary avy tany avaratra sy tany atsimo.+
4 Nirenireny tany an-tany efitra+ sy teny amin’ny tany karakaina+ izy ireo.Ary tsy nahita lalana hahatongavana any amin’izay tanàna azo onenana.+
5 Noana sy nangetaheta izy ireo,+Ary efa saika namoy ny ainy.+
6 Dia nitaraindraina tamin’i Jehovah izy ireo rehefa ory+Ka nafahany tamin’ny fahorian-tsainy+
7 Sy nampandehaniny tamin’ny lalana tokony halehany,+Mba ho tonga any amin’izay tanàna azo onenana.+
8 Misaora an’i Jehovah noho ny hatsaram-panahiny feno fitiavana,+Sy noho ny asa mahatalanjona nataony ho an’ny zanak’olombelona.+
9 Fa nataony afa-ketaheta ireo main’ny hetaheta,+Ary ny noana kosa novokisany zava-tsoa.+
10 Nisy tamin’izy ireo tao anatin’ny haizina sy ny haizim-pito+Sady voagejan’ny fahoriana sy ny gadra vy,+
11 Satria nikomy+ tsy nanaraka ny tenin’Andriamanitra,+Ary tsy niraharaha ny torohevitr’ilay Avo Indrindra.+
12 Koa navelan’Andriamanitra hitondra fahoriana izy ireo mba hamolahana ny fony.+Tafintohina izy ireo, ary tsy nisy namonjy.+
13 Dia niantso vonjy tamin’i Jehovah izy ireo rehefa ory.+Koa namonjy azy tamin’ny fahorian-tsainy izy, toy ny efa fanaony.+
14 Navoakany avy tao anatin’ny haizina sy ny haizim-pito izy ireo,+Ary notapahiny ny fatotra nangeja azy ireo.+
15 Misaora an’i Jehovah noho ny hatsaram-panahiny feno fitiavana,+Sy noho ny asa mahatalanjona nataony ho an’ny zanak’olombelona.+
16 Fa notorotoroiny ny varavarana varahina+Ary notapahiny ny bara vy hidiny.+
17 Nampitondra fahoriana ho an’ny tenany ny adala,Noho izy nandika lalàna sy nanao fahadisoana.+
18 Nanjary nankaloiloy azy daholo ny karazan-tsakafo rehetra+Ary efa teo akaikin’ny vavahadin’ny fahafatesana+ izy ireo.
19 Niantso vonjy tamin’i Jehovah izy ireo rehefa ory.+Koa namonjy azy tamin’ny fahorian-tsainy izy,+ toy ny efa fanaony.
20 Niteny izy mba hanasitranana azy ireo,+Ary novonjeny tsy hidina any an-davaka izy ireo.+
21 Misaora an’i Jehovah noho ny hatsaram-panahiny feno fitiavana,+Sy noho ny asa mahatalanjona nataony ho an’ny zanak’olombelona.+
22 Ary aoka izy ireo hanolotra sorona fisaorana,+Sy hanambara amim-pihobiana ny asan’Andriamanitra.+
23 Ireo midina any an-dranomasina ka mandray sambo+Mba hanao raharaham-barotra eny amin’ny rano midadasika,+
24 No mahita ny asan’i Jehovah+Sy ny asany mahatalanjona, any amin’ny rano lalina.+
25 Hitan’izy ireo fa rehefa miteny Andriamanitra dia misy rivo-mahery mifofofofo,+Ka mampiakatra ny onjan-dranomasina.+
26 Miakatra eny amin’ny lanitra izy ireo,Ary midina any amin’ny fanambanin’ny ranomasina.Mitsonika toy ny savoka izy ireo+ noho ny fahoriana.
27 Tsy mandeha mahitsy izy ireo fa mivembena toy ny mamo,+Ka foana daholo ny fahendreny.+
28 Dia niantso vonjy tamin’i Jehovah izy ireo rehefa ory,+Ka nafahany tamin’ny fahorian-tsainy.+
29 Ary nampitony ny tafio-drivotra izy,+Mba tsy hisamboaravoara ny onjan-dranomasina.+
30 Dia faly izy ireo satria tony ireny,Ary notarihin’Andriamanitra ho any amin’ny seranana niriny hahatongavana izy ireo.+
31 Misaora an’i Jehovah noho ny hatsaram-panahiny feno fitiavana,+Sy noho ny asa mahatalanjona nataony ho an’ny zanak’olombelona.+
32 Aoka izy ireo hankalaza azy eo anivon’ny fiangonana,+Sy hidera azy eo amin’ireo zokiolona.+
33 Manova ny renirano ho tany efitra Andriamanitra,+Ny loharano ovany ho tany karakaina,+
34 Ary ny tany mahavokatra ho tanin-tsira,+Noho ny faharatsian’ny mponina eo.
35 Manova ny tany efitra ho kamory anirian’ny bararata izy,+Ary ny tany karakaina ovany ho loharano.+
36 Dia hataony monina ao ny noana+Mba hanorina tanàna honenana.+
37 Ary hamafy voa eny an-tsaha izy ireo, sady hanao tanimboaloboka+Mba hahazoany vokatra be.+
38 Tahiny izy ireo mba ho maro be+Ary tsy avelany hihavitsy ny biby fiompiny.+
39 Mihavitsy indray anefa izy ireo ary mitampify,+Noho ny fampahoriana sy ny loza ary ny alahelo.+
40 Ataony tototry ny latsa ny olona ambony+Mba hahatonga azy ireo hirenireny any an-tany efitra, izay tsy misy lalan-kivoahana.+
41 Fa arovany kosa ny mahantra mba tsy ho azom-pahoriana,+Ary ataony lasa fianakaviambe toy ny andiam-biby fiompy.+
42 Mahita izany ny olo-mahitsy ka faly,+Fa hikombona kosa ny vavan’ny olona tsy marina rehetra.+
43 Iza no hendry? Ny hendry dia izay mandinika izany+Sy mampifantoka ny sainy amin’ny hatsaram-panahy feno fitiavana nasehon’i Jehovah.+
