Salamo 31:1-24
Ho an’ny mpitarika. Hiran’i Davida.
31 Ianao no ialofako, Jehovah ô!+Aoka tsy hitsanga-menatra mihitsy aho.+Afaho aho noho ny fahamarinanao.+
2 Aoka ianao hanongilan-tsofina hihaino ahy.+Afaho haingana aho.+Aoka ianao ho vatolampy fiarovana mafy ho ahy,+Sy ho trano voaro mafy mba hahavoavonjy ahy.+
3 Fa ianao no harambatoko sy fiarovana mafy ho ahy.+Ary noho ny anaranao,+ dia hitari-dalana sy hitondra ahy ianao.+
4 Hamoaka ahy avy ao anatin’ny harato nafenina hamandrihana ahy ianao,+Fa ianao no fiarovana mafy ho ahy.+
5 Apetrako eo am-pelatananao ny aiko.*+Nanavotra ahy ianao,+ ry Jehovah Andriamanitry ny fahamarinana ô!+
6 Halako ireo mitoky amin’ny sampy tsy misy fotony sy tsy misy ilana azy.+Fa izaho kosa dia i Jehovah no itokisako.+
7 Hifaly sy hiravoravo aho noho ny hatsaram-panahinao feno fitiavana,+Satria mahita ny fijaliako ianao.+Mahalala ny fahoriana manjo ahy ianao,+
8 Ka tsy manolotra ahy eo an-tanan’ny fahavalo.+Mampijoro ahy eo amin’ny toerana malalaka ianao.+
9 Aoka ianao ho tsara fanahy amiko Jehovah ô, fa azom-pahoriana mafy aho.+Reraky ny fahoriana ny masoko+ sy ny tenako ary ny kiboko.+
10 Lany tamin’ny alahelo ny fiainako,+Ary lany tamin’ny fisentoana ny taona iainako.+Kely ny heriko noho ny fahadisoako,+Ary nanjary nangozohozo ny taolako.+
11 Lasa olona fandatsa+ aho eo imason’izay rehetra mankahala ahy,+Ary indrindra fa eo imason’ny mpiara-monina amiko.+Nanjary natahoran’ny olom-pantatro aho.+Mandositra izy ireo rehefa mahita ahy eny ivelany eny.+
12 Efa hadino aho, toy ny olona maty izay tsy ao am-po intsony.+Nanjary toy ny vilany vaky aho.+
13 Reko ny fanaratsian’ny maro.+Feno tahotra hatraiza hatraiza.+Rehefa mivondrona hamely ahy ireny,+Dia ny hanapitra ny aiko no tetehiny.+
14 Fa izaho kosa dia ianao no itokisako, Jehovah ô!+Hoy aho: “Ianao no Andriamanitro.”+
15 Eo am-pelatananao ny fiainako.+Afaho aho tsy ho azon’ny fahavaloko sy ny mpanenjika ahy.+
16 Aoka ianao hampamirapiratra ny tavanao amin’ny mpanomponao.+Vonjeo aho, noho ny hatsaram-panahinao feno fitiavana.+
17 Jehovah ô, aoka tsy hitsanga-menatra aho satria miantso anao.+Fa aoka kosa ny ratsy fanahy hitsanga-menatra.+Aoka hangina ao amin’ny Fasana* ireny.+
18 Aoka tsy hahateny ny molotra mandainga,+Izay miteny hanohitra ny olo-marina,+ ka mirehareha sy manamavo tafahoatra.+
19 Lehibe tokoa ny hatsaran-toetranao,+ izay tehirizinao ho an’ireo matahotra anao,+Sady asehonao amin’ireo mialoka aminao,Eny, asehonao eo anatrehan’ny zanak’olombelona.+
20 Hafeninao ao amin’ny toerana miafina eo akaikinao izy,+Mba tsy ho azon’ny olona miray tetika hamely azy.+Hampiery azy ao amin’ny trano rantsankazo ianao, mba tsy ho azon’ireo tia mifanditra izy.+
21 Hisaorana anie Jehovah,+Fa nanehoany hatsaram-panahy lehibe aho,+ tao amin’ny tanàna natao fahirano!+
22 Hoy aho tamin’izaho raiki-tahotra:+“Ho ringana tokoa tsy ho eo anatrehanao aho.”+Tena renao ny fitalahoako rehefa niantso vonjy taminao aho.+
23 Aoka ho tia an’i Jehovah ianareo rehetra tsy mivadika aminy.+Arovan’i Jehovah ny olona mendri-pitokisana,+Fa mafy dia mafy kosa no avaliny an’izay mirehareha.+
24 Manàna herim-po ary hatanjaho ny fonareo,+Dia ianareo rehetra izay miandry an’i Jehovah.+
