Salamo 49:1-20
Ho an’ny mpitarika. Hiran’ny taranak’i Kora.+
49 Henoy izao, ry firenena rehetra!Aoka ianareo hanongilan-tsofina, ry mponina rehetra eto amin’ity tontolo ity,+
2 Dia ianareo taranak’olombelona sy ianareo zanak’olombelona,Na ny manankarena na ny mahantra.+
3 Hilaza tenim-pahendrena ny vavako.+Ary hevi-dalina* no hosaintsainiko ato am-poko.+
4 Hanongilan-tsofina hihaino oha-teny aho,+Ary ao anatin’ny feon’ny harpa no hanazavako ny ankamantatro.+
5 Nahoana aho no hatahotra amin’ny andro fahoriana,+Raha manodidina ahy ny fahadisoan’ireo mpamingana ahy?+
6 Mitoky amin’ny fananany izy ireo,+Ary mirehareha amin’ny harem-beny,+
7 Nefa tsy misy amin’izy ireo mahavita manavotra ny rahalahiny,+Na manome an’Andriamanitra ny vidim-panavotana ho azy,
8 —Fa lafo loatra ny vidiny hanavotana ny ain’izy ireo,+Ka tsy ho voaloa mandritra ny fotoana tsy voafetra—
9 Mba ho velona mandrakizay izy ka tsy ho lasa any amin’ny lavaka.+
10 Hitany mantsy fa maty koa na ny hendry aza,+Ary samy maty daholo na ny adala na ny tsy misaina,+Ka hamela ny fananany ho an’olon-kafa.+
11 Ny fanirian’ny fony dia ny haharetan’ny tranony mandritra ny fotoana tsy voafetra,+Sy ny haharetan’ny tranolainy hatramin’ny taranaka fara mandimby.+Nampitondrainy ny anarany mihitsy ireo taniny.+
12 Tsy maharitra anefa ny fiainan’olombelona, na dia manana voninahitra aza.+Mitovy amin’ny biby efa naripaka izy.+
13 Izany no mitranga amin’ny adala,+Sy amin’ny mpanara-dia azy, izay finaritra amin’ny teny feno fireharehana aloaky ny vavany. Sela.
14 Toy ny ondry ihany izy ireo ka natao ho an’ny Fasana.*+Ny fahafatesana no ho mpiandry azy.+Ny olo-mahitsy no hifehy azy rehefa maraina,+Ary ho levona ny bika aman’endriny.+Fasana, fa tsy fonenana manerinerina, no ho an’ny tsirairay aminy.+
15 Fa Andriamanitra kosa hanavotra ahy* tsy ho voagejan’ny Fasana,*+Satria handray ahy Izy. Sela.
16 Aza matahotra raha misy olona lasa mpanankarena,+Ka mitombo ny voninahitry ny tranony,+
17 Fa tsy hahatondra na inona na inona izy rehefa maty,+Sady tsy hidina hanaraka azy ny voninahiny.+
18 Fa nidera tena foana izy nandritra ny androm-piainany.+—Ary hidera anao ny olona, satria mahomby ianao eo amin’ny fiainanao.+—
19 Hatreo amin’izay niafaran’ny mpiara-belona tamin’ny razany ihany no hiafarany.+Tsy hahita ny mazava intsony ireny.+
20 Ny olombelona izay tsy manan-tsaina, na dia manana voninahitra aza,+Dia mitovy amin’ny biby efa naripaka.+
Fanamarihana
^ Na: “zavatra mitaky fahiratan-tsaina.”
^ Heb.: sheôl. Jereo F.F. 3D.
^ Heb.: sheôl. Jereo F.F. 3D.
^ Heb.: nefesh. Jereo F.F. 3A.
