Salamo 59:1-17
Ho an’ny mpitarika. “Aza mandringana.” Miktama nataon’i Davida, tamin’i Saoly naniraka olona hanao andry maso ny tranony, mba hamonoana azy ho faty.+
59 Afaho tsy ho azon’ny fahavaloko aho, ry Andriamanitro ô!+Hiaro ahy amin’ireo mitsangana hanohitra ahy anie ianao!+
2 Afaho tsy ho azon’ny mpanao ratsy aho,+Ary vonjeo tsy ho azon’ny mpandatsa-dra.
3 Fa miafina hamely ahy ireny satria mifofo ny aiko.+Manafika ahy ny mahery,+Nefa tsy nisy fikomiana na fahotana vitako akory, Jehovah ô!+
4 Tsy nisy fahadisoako, nefa mihazakazaka sy mivonona hamely ahy ireny.+Mifohaza rehefa miantso aho, ka mba jereo.+
5 Ianao, ry Jehovah Andriamanitry ny tafika ô, no Andriamanitry ny Israely.+Mifohaza handinika ny firenena rehetra.+Aza iantrana ny mpamadika tia manao an-kasomparana.+ Sela.
6 Miverina foana izy ireo rehefa harivariva.+Mivovò hoatran’ny alika+ izy ireo ary mandeha manodidina ny tanàna.+
7 Miboiboika teny fanevatevana ny vavany,+Ary sabatra no eo amin’ny molony.+Fa iza moa no handre?+
8 Ianao kosa anefa hihomehy an’ireny Jehovah ô!+Haneso ny firenena rehetra ianao.+
9 Ry Heriko ô, ianao no handrandraiko,+Fa Andriamanitra no tendrombohitra fandosirako.+
10 Hitsena ahy ilay Andriamanitra naneho hatsaram-panahy tamiko.+Hataon’Andriamanitra hitako izay manjo ny fahavaloko, ary ho faly aho mijery izany.+
11 Aza aringana ireny, sao hanadino izany ny oloko.+Ampiasao ny herinao ka ataovy mirenireny+Sy lavo ireny, ry Jehovah ampinganay ô,+
12 Noho ny fahotan’ny vavany, eny, noho ny tenin’ny molony.+Ary aoka ireny ho voafandriky ny fireharehany,+Noho ny ozona sy fitaka averimberiny.
13 Aringano amin-katezerana ireny,+Eny, aringano tsy hisy intsony.Ary aoka ho fantany fa Andriamanitra no manjaka eo amin’i Jakoba ka hatrany amin’ny faran’ny tany.+ Sela.
14 Aoka hiverina ireny rehefa harivariva.Aoka ireny hivovò hoatran’ny alika, ary handeha manodidina ny tanàna.+
15 Aoka ireny hirenireny hitady hanina.+Aoka ireny tsy ho voky sy tsy hahita toerana hatoriana.+
16 Fa izaho kosa hihira ny herinao.+Ary amin’ny maraina, dia hilaza amim-pifaliana ny hatsaram-panahinao feno fitiavana aho.+Fa tendrombohitra fandosirako ianao,+Ary toerana fialofako amin’ny andro fahoriako.+
17 Ry Heriko ô, ho anao no hanaovako hira fiderana,+Fa tendrombohitra fandosirako Andriamanitra, dia ilay Andriamanitra naneho hatsaram-panahy tamiko.+
