Salamo 72:1-20
Momba an’i Solomona.
72 Andriamanitra ô, ampahafantaro ny mpanjaka ny didim-pitsaranao,+Ary ampahafantaro ny zanaky ny mpanjaka ny fahamarinanao.+
2 Aoka hitsara ny olonao araka ny rariny izy,+Ary hitsara an’ireo olonao ory, araka ny hitsiny.+
3 Hitondra fiadanana ho an’ny olona anie ny tendrombohitra,+Sy ny havoana, noho ny fahamarinana!
4 Hitsara ny ory eo amin’ny vahoaka anie ny mpanjaka!+Hamonjy ny zanaky ny ory anie izy,Ary hotorotoroiny ny mpanambaka!
5 Hatahotra anao ireny, raha mbola misy koa ny masoandro,+Ary raha mbola misy koa ny volana, hatramin’ny taranaka fara mandimby.+
6 Hirotsaka toy ny orana eo amin’ny ahitra vao avy nanapahana izy,+Eny, toy ny oram-be mandena ny tany.+
7 Amin’ny andro anjakany, dia hiroborobo ny olo-marina,+Ary ho be ny fiadanana raha mbola misy koa ny volana.+
8 Hisy olom-peheziny hatrany amin’ny ranomasina ka hatrany amin’ny ranomasina,+Ary hatrany amin’ny Renirano+ ka hatrany amin’ny faran’ny tany.+
9 Hiankohoka eo anatrehany ny mponina any amin’ny faritra karakaina,+Ary hilelaka ny vovoka ny fahavalony.+
10 Ny mpanjakan’i Tarsisy sy ny mpanjakan’ireo nosy,+Dia handoa hetra.+Ary ny mpanjakan’i Sheba sy ny mpanjakan’i Seba,Dia hanolotra fanomezana.+
11 Hiankohoka eo anatrehany ny mpanjaka rehetra,+Ary hanompo azy ny firenena rehetra.+
12 Fa hovonjeny ny mahantra miantso vonjy,+Mbamin’ny ory sy izay rehetra tsy manan-kamonjy.+
13 Hangoraka ny olona ambany sy ny mahantra izy,+Ary hamonjy ny ain’ny mahantra.+
14 Hanavotra ny ain’izy ireo amin’ny fampahoriana sy ny herisetra izy,Ary ho sarobidy aminy ny ran’izy ireo.+
15 Ho ela velona anie izy!+ Ary aoka hanomezana azy ny volamena avy any Sheba.+Aoka hisy vavaka hatao ho azy foana.Hotahina mandrakariva anie izy!+
16 Hahavokatra be ny tany,+Ary na eny an-tampon-tendrombohitra aza dia ho be ny vokatra.+Ho betsaka toy ny any Libanona ny vokatry ny taniny,+Ary hiroborobo toy ny ahitra amin’ny tany ny olona ao an-tanàna.+
17 Haharitra mandritra ny fotoana tsy voafetra anie ny anarany!+Hihamalaza anie ny anarany raha mbola misy koa ny masoandro,Ary aoka ny olona hanao izay hahazoana fitahiana amin’ny alalany!+Aoka ny firenena rehetra hilaza hoe: “Sambatra izy.”+
18 Hisaorana anie i Jehovah Andriamanitra, ilay Andriamanitry ny Israely,+Ilay hany manao asa mahatalanjona!+
19 Hoderaina mandritra ny fotoana tsy voafetra anie ny anarany be voninahitra,+Ary aoka ny voninahiny hameno ny tany manontolo!+Amena! Amena!
20 Tapitra ny vavak’i Davida, zanak’i Jese.+