Salamo 75:1-10
Ho an’ny mpitarika. “Aza mandringana.” Hira fiderana nataon’i Asafa.+
75 Misaotra anao izahay, Andriamanitra ô! Misaotra anao izahay+Fa akaiky ny anaranao.+Hanambara ny asanao mahagaga ny olona.+
2 “Efa nifidy fotoana voafaritra tsara aho,+Ary mitsara araka ny hitsiny.+
3 Nihalevona ny tany sy ny mponina rehetra teo aminy,+Ary izaho no nanitsy ny andrin’ny tany.”+ Sela.
4 Hoy aho tamin’ny adala: “Aza miadaladala intsony”,+Ary tamin’ny ratsy fanahy: “Aza asandratra ny tandrokareo.*+
5 Aza asandratra avo ny tandrokareo,Ary aza mirehareha rehefa miteny.+
6 Fa tsy avy any atsinanana na avy any andrefana,Na avy any atsimo ny fisandratana.
7 Andriamanitra no mpitsara.+Mampietry ny anankiray izy, ary manandratra ny anankiray.+
8 Fa misy kaopy eny an-tanan’i Jehovah,+Ary misy roatrany ny divay sady nasiana fangarony betsaka.Hararany hatramin’ny faikany izany,Ka ny ratsy fanahy rehetra eto an-tany no hisotro sy hanapitra izany.”+
9 Fa izaho kosa hanambara izany mandritra ny fotoana tsy voafetra.Hihira fiderana ho an’Andriamanitr’i Jakoba aho.+
10 “Ary hotapahiko ny tandroka rehetran’ny ratsy fanahy.”+Fa hasandratra kosa ny tandroky ny olo-marina.+
