Tononkiran’i Solomona 1:1-17
-
Tononkira tsara indrindra (1)
-
Ankizivavy (2-7)
-
Zanakavavin’i Jerosalema (8)
-
Mpanjaka (9-11)
-
“Hanamboaranay firavaka volamena ianao” (11)
-
-
Ankizivavy (12-14)
-
‘Toy ny miora manitra ilay mamin’ny foko(13)
-
-
Mpiandry ondry (15)
-
“Tsara tarehy ianao, ry malalako”
-
-
Ankizivavy (16, 17)
-
“Tsara tarehy ianao, ry malalako” (16)
-
1 Ny tononkira tsara indrindra* nataon’i Solomona:+
2 “Enga anie izy hanoroka ahy amin’ny molony,Fa tsara noho ny divay ny fomba anehoanao fitiavana!+
3 Manitra erỳ ny menakao!+
Sahala amin’ny menaka manitra araraka ny anaranao,+
Dia izany no itiavan’ny ankizivavy anao.
4 Ento* manaraka anao aho, dia andao isika hitsoaka,
Fa nentin’ny mpanjaka tao amin’ny efitranony anatiny aho!
Andao isika hiaraka hifalifaly sy hiravoravo.
Andao horesahintsika* ny fomba anehoanao fitiavana, fa tsara noho ny divay ireny.
Tsy mahagaga raha tian’ny ankizivavy ianao.
5 Mainty* aho nefa mahafatifaty, ry zanakavavin’i Jerosalema ô,Hoatran’ny tranolain’i Kedara,+ hoatran’ny lamba nanaovana+ ny tranolain’i Solomona.
6 Aza jerijerena aho satria hoe mivalomainty,Fa main’ny masoandro aho.
Tezitra tamiko ny zanakalahin’i Neny,Ka nasainy niambina tanimboaloboka aho,Nefa ny tanimboaloboko aza tsy mba nambenako.
7 Mba lazao ahy, ry ilay tena tiako,Hoe aiza ny toerana iandrasanao ondry,+Sy ny toerana ampatorinao ny andian’ondry, amin’ny mitataovovonana.
Fa maninona aho no handehandeha eny amin’ny andian’ondrin’ny namanao eny,Hoatran’ny vehivavy manarona ny tarehiny amin’ny voaly?”*
8 “Raha tsy fantatrao, ry ilay tsara tarehy indrindra amin’ny vehivavy ô,Dia mandehana manaraka ny dian’ondry,Ka andraso eo akaikin’ny tranolain’ny mpiandry ondry ny zanak’osinao.”
9 “Mitovy amin’ny soavalivavy* mitarika ny kalesin’i Farao ianao, ry malalako.+
10 Mahafatifaty erỳ ny takolakao misy firavaka,*Ary tsara tarehy erỳ izato vozonao misy vakana!
11 Hanamboaranay firavaka volamena* ianao,Firavaka nasiana haingony volafotsy.”
12 “Raha iny mbola mipetraka eo amin’ny latabany boribory iny ny mpanjaka,Dia mamerovero erỳ ny ranomanitro!*+
13 Amiko ilay mamin’ny foko dia toy ny miora manitra eran’ny kitapo kely+Eo anelanelan’ny nonoko mandritra ny alina.
14 Amiko ilay mamin’ny foko dia sahala amin’ny vonin’ny moina+Eo amin’ny tanimboalobok’i En-jedy.”+
15 “Tena tsara tarehy ianao, ry malalako.
Tena tsara tarehy ianao. Toy ny masom-boromailala ny masonao.”+
16 “Tena tsara tarehy ianao, ry ilay mamin’ny foko, sady mahafinaritra.+
Ravinkazo no fandrianantsika.
17 Hazo sedera no nanaovana ny tranontsika,*Ary hazo zenevrie no nanaovana ny tafontranontsika.
Fanamarihana
^ Abt: “Ny tononkiran’ny tononkira.”
^ Abt: “Tariho.”
^ Na: “hoderaintsika.”
^ Na: “Maintin’ny masoandro.”
^ Na: “voaly fisaonana.”
^ Na: “soavalivaviko.”
^ Na mety hoe “amin’izao volonao mirandrana izao.”
^ Na: “firavaka volamena boribory.”
^ Na: “ny narda anaovako.”
^ Na: “tranontsika tsara tarehy.”
