Isaia 4:1-6
4 Amin’izany andro izany, dia hisy vehivavy fito hitazona lehilahy iray,+ ka hiteny hoe:
“Ny sakafonay ihany no hohaninay,Ary ny akanjonay ihany no hanaovanay,Fa mba avelao fotsiny izahay hantsoina amin’ny anaranao,Mba tsy ho afa-baraka intsony.”*+
2 Amin’izany andro izany, dia hampitsimoka zavamaniry tsara tarehy sy mahafinaritra i Jehovah. Hirehareha sy ho falifaly izay sisa velona amin’ny Israely noho ny vokatry ny tany.+
3 Ary hantsoina hoe masina izay sisa tavela ao Ziona sy izay sisa tafajanona ao Jerosalema, izany hoe izay rehetra ao Jerosalema ka voasoratra anarana hoe mbola velona.+
4 Ho tezitra be amin’i Jerosalema i Jehovah ka hotsarainy ny zanakavavin’i Ziona.+ Izany no fomba hanasany azy ho afaka amin’ny lotony* sy hanadiovany azy ho afaka amin’ny ra nalatsaka tao.+
5 Ankoatra izany, dia hasian’i Jehovah rahona sy setroka eo ambonin’ny Tendrombohitra Ziona manontolo sy eo ambonin’ny toerana fanaovany fivoriambe, mandritra ny andro, fa hasiany afo mirehitra mazava be kosa mandritra ny alina.+ Hisy fialofana mantsy hanarona an’ilay toerana be voninahitra manontolo.
6 Ary hisy trano rantsankazo hanalokaloka amin’ny hafanana migaingaina+ mandritra ny andro, sady ho fialofana sy fiarovana amin’ny oram-baratra sy ny ranonorana.+
