Isaia 46:1-13
46 Miondrika i Bela,+ ary miforitra i Nebo.
Ataingina eo ambony biby ny sampiny, eo ambony biby mpitondra entana,+Hoatran’ny entana manavesatra biby efa reraka.
2 Hiaraka hiforitra sy hiondrika daholo izy ireo.Tsy mahavonjy an’ilay enta-mavesatra* izy ireo,Ary lasa babo.
3 “Henoy aho, ry taranak’i Jakoba, sy ianareo rehetra sisa amin’ny taranak’i Israely,+Dia ianareo izay nampiako hatramin’ianareo vao teraka, sady nentiko hatrany an-kibo.+
4 Tsy hiova aho mandra-pahantitrareo,+Ary hanohana anareo foana mandra-pahafotsin’ny volonareo.
Hitondra anareo sy hanohana anareo aho ary hamonjy anareo, hoatran’ny efa fanaoko.+
5 Hampitovinareo amin’iza aho, ary hampitahainareo amin’iza,+Mba hahitana raha mitovy izahay?+
6 Misy olona mandraraka volamena be dia be avy ao amin’ny kitapom-bolany,Dia mandanja volafotsy amin’ny mizana.
Manakarama mpanefy izy ireo, ka amboariny ho lasa andriamanitra ilay volafotsy.+
Dia miondrika izy ireo, ary mivavaka* aminy.+
7 Ingain’izy ireo ho eo an-tsorony ilay sampy,+Dia entiny sy apetrany eo amin’ny toerany ka mijanona eo fotsiny.
Tsy mihetsika eo amin’ny toerany ilay izy.+
Dia mitaraina aminy izy ireo, nefa tsy mamaly izy,Satria tsy afaka mamonjy na iza na iza amin’ny fahoriana.+
8 Tadidio izany, ary manàna herim-po.
Raiso ao am-ponareo izany, ry mpandika lalàna.
9 Tadidio izay nitranga taloha ela be,*Ka tadidio hoe izaho no Andriamanitra, ary tsy misy ankoatra ahy.
Izaho no Andriamanitra, ary tsy misy mitovy amiko.+
10 Efa nolazaiko hatramin’ny voalohany ny zavatra hitranga amin’ny farany,Ary efa nolazaiko hatry ny ela ny zavatra mbola tsy natao.+
Hoy aho: ‘Tsy hiova ny fanapahan-kevitro,*+Ary hataoko ny sitrapoko rehetra.’+
11 Hantsoiko avy any amin’ny fiposahan’ny masoandro*+ ny vorona iray mpihaza,Ary hantsoiko avy any an-tany lavitra ilay olona hanatanteraka ny fanapahan-kevitro.*+
Efa niteny aho ka hotanterahiko ny teniko.
Efa nokasaiko izany ka hataoko.+
12 Henoy aho, ry mafy loha,*Dia ianareo izay lavitra ny fahamarinana.
13 Nataoko akaiky ny fahamarinako,Ka tsy lavitra ilay izy.Tsy ho tara ny famonjena hataoko.+
Hovonjeko i Ziona, ary homeko amin’ny voninahitro ny Israely.”+
Fanamarihana
^ Izany hoe ny sampy nataingina eo ambonin’ireo biby.
^ Abt: “miankohoka.”
^ Abt: “voalohany.”
^ Na: “fikasako; torohevitro.”
^ Na: “avy any atsinanana.”
^ Na: “fikasako; torohevitro.”
^ Abt: “mafy fo.”
