Isaia 54:1-17
54 “Mihobia, ry vehivavy momba izay tsy niteraka!+
Mifalia sy mihobia+ ianao izay tsy mba narary nihetsi-jaza mihitsy!+Fa ny zanaky* ny vehivavy nilaozam-bady,Dia betsaka noho ny zanaky ny vehivavy manambady”,*+ hoy i Jehovah.
2 “Halalaho ny tranolainao,+
Ary henjano ny lamban’ny tranolainao be voninahitra.
Aza mihafihafy mihitsy rehefa manao an’izany, ary halavao ny tady manenjana ny lainao.Hamafiso koa ny fantsika be fanenjanan-day.+
3 Fa hiparitaka hiankavanana sy hiankavia ianao,
Ary ho lasan’ny taranakao ireo firenena.Hipetrahan’izy ireo koa ny tanàna aolo.+
4 Aza matahotra+ fa tsy ho menatra ianao.+Aza mieritreritra hoe afa-baraka ianao, fa tsy ho diso fanantenana ianao.
Hohadinoinao mantsy ny henatrao tamin’ny fahatanoranao,Ary tsy hotsaroanao intsony ilay ianao afa-baraka satria hoe maty vady.”
5 “Ilay Be Voninahitra Mpanao anao+ mantsy no vadinao,*+Ary Jehovah Tompon’ny tafika no anarany.Ilay Masin’ny Israely no Mpanavotra anao,+
Ary hantsoina hoe Andriamanitry ny tany manontolo izy.+
6 Fa nampodin’i Jehovah ianao, izay toy ny vehivavy nilaozan’ny vadiny sy nalahelo be,+Hoatran’ny vehivavy nalaina ho vady tamin’izy tanora nefa nariana tatỳ aoriana”, hoy ilay Andriamanitrao.
7 “Fa vetivety ihany aho no nahafoy anao.Be famindram-po anefa aho ka hampody anao.+
8 Tezitra be taminao aho, ka nafeniko vetivety ny tarehiko mba tsy ho hitanao.+Tia anao sy tsy mivadika aminao mandrakizay anefa aho ka hamindra fo aminao”,+ hoy i Jehovah, ilay Mpanavotra anao.+
9 “Amiko dia toy ny tamin’ny andron’i Noa izao.+
Efa nianiana aho hoe tsy ho safotry ny rano toy ny tamin’ny andron’i Noa intsony ny tany,+Dia hoatr’izany koa fa mianiana aho hoe tsy ho tezitra aminao intsony na hiteny mafy anao.+
10 Fa na hesorina aza ny tendrombohitra,Ary na hihozongozona aza ny havoana,Dia mbola ho tia anao sy tsy hivadika aminao aho,+Ary tsy ho rava ny fifanekem-pihavanana ataoko aminao”,+ hoy i Jehovah, Ilay mamindra fo aminao.+
11 “Ry vehivavy mijaly+ sy asafotofoton’ny rivo-mahery, sady tsy misy mampionona!+Hampiasa rihitra mafy aho hanakambanako ireo vato eo aminao,Ary safira no hataoko fototrao.+
12 Vatosoa robia no hanaovako ny tampon’ny mandanao,Vatosoa mamirapiratra* no hanaovako ny vavahadinao,Ary vatosoa sarobidy ny sisin-taninao rehetra.
13 Hampianarin’i Jehovah ny zanakao* rehetra,+Ka ho be ny fiadanan’ny zanakao.*+
14 Hiorina tsara amin’ny fahamarinana ianao.+
Hesorina lavitra anao koa ny fampijaliana.+Tsy hisy hatahoranao ary tsy hisy hampihorohoro anao,Satria tsy hanakaiky anao izany.+
15 Raha misy manafika anao,Dia tsy noho ny baiko avy amiko izany.
Ho resy izay manafika anao.”+
16 “Izaho no namorona ny mpanao asa tanana,Izay mitsoka ny afon-tsaribao,Ka mahavita fitaovam-piadiana.
Izaho koa no namorona an’ilay mpandringana izay handravarava.+
17 Tsy hisy hahomby izay fiadiana amboarina hamelezana anao,+Ary homelohinao eo amin’ny fitsarana ny lela rehetra miampanga anao.
Izany no lovan’ny mpanompon’i Jehovah,Ary olo-marina izy ireo amiko”,* hoy i Jehovah.+
Fanamarihana
^ Na: “zanakalahin’ny.”
^ Na: “manana tompo.”
^ Na: “tomponao.”
^ Na: “Vato mena midorehitra.”
^ Na: “zanakao lahy.”
^ Na: “zanakao lahy.”
^ Na: “Avy amiko ny fahamarinan’izy ireo.”
