Mika 2:1-13
2 “Hahita loza ireo mitetika ny hanao ratsy,Ary mieritreritra an’izany eo am-pandrianany!
Rehefa maraina ny andro dia tanterahiny ny eritreriny,Satria vitany ny manao an’izany.+
2 Mitsiriritra saha sy tranon’olona izy ireo,+Dia maka an’ireny an-keriny.Manambaka lehilahy izy mba hahazoana ny tranony,+Sy mba hahazoana ny lovany.
3 Izao àry no tenin’i Jehovah:
‘Mieritreritra ny handefa loza+ aminareo aho, ka tsy ho afaka handositra an’izany ianareo.*+
Dia tsy hirehareha intsony ianareo rehefa mandeha,+ satria fotoana hisian’ny loza izany.+
4 Hilaza ohabolana momba anareo ny olona, amin’izany andro izany,Ary hitaraindraina be momba anareo.+
Hoy izy ireo: “Voaroba tanteraka isika!+
Nalainy tamintsika ny anjaran’ny firenentsika dia omeny olon-kafa,+
Ary ny sahantsika omeny an’izay mivadika.”
5 Tsy hahita olona handrefy tany amin’ny tady,Ka hizara an’ilay tany ianareo, ao amin’ny fiangonan’i Jehovah.
6 Mitory izy ireo hoe: “Aza mitory intsony!Tsy tokony hotorina intsony izany.Tsy ho afa-baraka isika.”
7 Milaza ve ianareo, ry taranak’i Jakoba, hoe:
“Fa angaha i Jehovah* lasa tsy mahandry?
Sa izany mihitsy no fanaony?”
Angaha ny teniko tsy hitondra soa ho an’ny olona manao izay mahitsy?
8 Vao haingana anefa ny vahoakako no nitsangana ho fahavalo.
Endahanareo ny haingo tsara tarehy sy ny akanjo,*Dia ny haingo sy ny akanjon’ny mpandalo tsy manana ahiahy hoatran’ny olona avy any an’ady.
9 Roahinareo hiala ao amin’ny tranony mampiadana koa ny vehivavy anisan’ny vahoakako.Ary esorinareo mandrakizay amin’ny zanany ny voninahitra nomeko azy.
10 Mandehana fa tsy fonenanareo intsony eto.
Noho ny fahalotoana,+ dia tonga ny fandringanana, ary ho mafy be ilay fandringanana.+
11 Raha misy olona manaonao foana sy mamitaka ka mandainga hoe:
“Momba ny divay sy ny toaka no hotoriko aminao”,
Dia zavatra mahafinaritra ny olona fotsiny no hotoriny.+
12 Hovoriko ianareo rehetra, ry taranak’i Jakoba ô!Ary tsy maintsy hangoniko ny sisa amin’ny Israely.+
Hataoko miray hina izy ireo, ka ho lasa andiany iray,Hoatran’ny andian’ondry eny amin’ny kijana.+Ho lasa maresaka sy feno olona ilay toerana.’+
13 Ilay managorobaka ny manda no handeha eo alohan’izy ireo.Hanagorobaka izy ireo dia hiditra eo amin’ny vavahady, ary hivoaka eo koa.+
Dia hiditra eo alohan’izy ireo ny mpanjakany,Ary i Jehovah no hitarika azy ireo.”+
Fanamarihana
^ Abt: “tsy ho afaka hanala ny hatokareo amin’izany ianareo.”
^ Abt: “ny fanahin’i Jehovah.”
^ Na mety hoe “teo amin’ny akanjo.”
