Mika 4:1-13
4 Any am-parany any,*Ilay tendrombohitra misy ny tranon’i JehovahDia ho mafy orina sady ho avo noho ny tampon’ireo tendrombohitra,+Ka hasandratra ho avo noho ireo havoana.Ary hiaraka ho any daholo ny olona.+
2 Be dia be ny firenena ho any, ka hiteny hoe:
“Avia! Andao isika hiakatra ho any an-tendrombohitr’i Jehovah,Sy ho any an-tranon’ny Andriamanitr’i Jakoba.+
Hampianatra antsika ny lalany izy,Dia handeha amin’ny lalana atorony isika.”
Fa avy ao Ziona no hivoahan’ny lalàna,*Ary avy ao Jerosalema ny tenin’i Jehovah.
3 Hamoaka didim-pitsarana eo amin’ny firenena maro izy,+Ka hanitsy* an’izay tsy mety eo amin’ireo firenena matanjaka any lavitra.
Dia hanefy ny sabany ho angadinomby izy ireo,Ary ny lefony ho antsy fandrantsanam-boaloboka.+
Tsy hifamely amin’ny sabatra intsony ireo firenena,Sady tsy hianatra ady intsony.+
4 Dia samy hipetrapetraka* eny ambanin’ny voalobony sy ny aviaviny izy ireo,+Ary tsy hisy hampatahotra azy,+Satria i Jehovah* Tompon’ny tafika no efa niteny.
5 Samy handeha amin’ny anaran’ny andriamaniny avy ny firenena rehetra,Fa isika kosa handeha amin’ny anaran’i Jehovah Andriamanitsika,+ mandrakizay mandrakizay.
6 “Amin’izany andro izany”, hoy i Jehovah,“Dia hovoriko ilay vahoaka nandringa,Ary hangoniko ilay naparitaka,+Sy izay nampahoriko.
7 Hataoko misy sisa tavela amin’ilay vahoaka nandringa,+Ary hataoko lasa firenena matanjaka ilay nalefa tany amin’ny toerana lavitra.+Dia hanjaka eo amin’izy ireo eo amin’ny Tendrombohitra Ziona i Jehovah,Manomboka izao ka ho mandrakizay.
8 Fa izao kosa no hitranga aminao, ry tilikambo fialokalofan’ny andian’ondry,Ry dongon-tanin’ny zanakavavin’i Ziona:+Hiverina aminao ilay fanjakana voalohany,*+Dia ilay fanjakan’i Jerosalema zanakavavy.+
9 Fa maninona ianao no miantsoantso mafy?
Angaha ianao tsy manana mpanjaka?Sa efa maty ny mpanolo-tsaina anaoNo dia manaintaina hoatran’ny vehivavy efa ho teraka ianao?+
10 Hiolankolana sy hikonainainaHoatran’ny vehivavy efa ho teraka ianao, ry zanakavavin’i Ziona.Fa hivoaka avy ao an-tanàna ianao ary hipetraka any an-tsaha,
Dia ho tonga hatrany Babylona.+Any no hamonjena anao,+Ary any i Jehovah no hanavotra anao eo an-tanan’ny fahavalonao.+
11 Dia firenena maro no hangonina hamely anao,Ka hiteny izy ireo hoe: ‘Aleo izy holotoina,Dia ho hitan’ny masontsika ny hitrangan’izany amin’i Ziona.’
12 Tsy fantatr’izy ireo anefa ny hevitr’i Jehovah,Ary tsy azony ny fikasany.*Fa hangonin’Andriamanitra ho eo am-pamoloana izy ireo, hoatran’ny varimbazaha vao avy nojinjaina.
13 Mandehana manosihosy varimbazaha eny am-pamoloana, ry zanakavavin’i Ziona.+Fa hovako ho vy ny tandrokao,Ary hovako ho varahina ny kitronao,Dia hanorotoro firenena be dia be ianao.+
Hatokanao ho an’i Jehovah ny tombony azon’izy ireo tamin’ny fanaovana ny tsy marina,Ary hatokanao ho an’ilay tena Tompon’ny tany manontolo ny fananan’izy ireo.”+
Fanamarihana
^ Na: “Amin’ny andro farany.”
^ Na: “toromarika.”
^ Na: “handamina.”
^ Na: “honina.”
^ Abt: “ny vavan’i Jehovah.”
^ Na: “teo aloha.”
^ Na: “toroheviny.”
