Ohabolana 16:1-33
16 Omanin’ny olona ao am-pony ny teny holazainy,*Fa avy amin’i Jehovah kosa ny valin-teny omeny.*+
2 Heverin’ny olona hoe mety* daholo izay ataony,+Fa i Jehovah kosa mandinika ny antony anaovany an’izany.*+
3 Ankino amin’i Jehovah daholo izay ataonao,+Dia hahomby izay kasainao hatao.
4 Nataon’i Jehovah hanatanterahana ny fikasany ny zava-drehetra,Ka na ny ratsy fanahy aza haringana, amin’ny andro hahitana loza.+
5 Maharikoriko an’i Jehovah izay rehetra manana fo mirehareha.+
Matokia* fa tsy maintsy ho voasazy ny olona hoatr’izany.
6 Ny fitiavana sy tsy fivadihana no andrakofana fahadisoana,+Ary izay matahotra an’i Jehovah dia miala amin’ny ratsy.+
7 Rehefa mahafinaritra an’i Jehovah ny ataon’ny olona,Dia ataony mihavana aminy na dia ny fahavalony aza.+
8 Aleo kely azo tamin’ny marina,+Toy izay be dia be azo tamin’ny tsy rariny.+
9 Mety ho efa mandamina tsara an’izay hataony ny olona, ao am-pony ao,Nefa i Jehovah no mitarika ny diany.+
10 Didim-pitsarana avy amin’Andriamanitra no tokony holazain’ny mpanjaka,+Ary tsy tokony hamadika ny rariny mihitsy izy.+
11 Avy amin’i Jehovah ny fandanjana marina sy ny mizana marina.Avy aminy daholo koa ny vatomizana ao anaty kitapo.+
12 Maharikoriko ny mpanjaka ny fanao ratsy,+Satria ny fahamarinana no manamafy orina ny seza fiandrianany.+
13 Mahafinaritra ny mpanjaka ny olona milaza ny marina,
Ary tiany ny olona mitsotra ny marina.+
14 Toy ny olona nirahina hamono olona ho faty ny hatezeran’ny mpanjaka,+Fa ny hendry kosa mahay mampitony* an’izany.+
15 Ho sambatra izay ankasitrahan’ny mpanjaka,Satria hoatran’ny rahona mitondra orana amin’ny lohataona ny fankasitrahany.+
16 Aleo mahazo fahendrena toy izay mahazo volamena,+
Ary aleo lasa mahira-tsaina toy izay mahazo volafotsy.+
17 Halavirin’ny olo-marina* ny ratsy,
Ary izay mitandrina tsara an’izay ataony* dia miaro ny ainy.+
18 Ho lavo izay mirehareha,Ary hianjera izay manambony tena.+
19 Aleo manetry tena miaraka amin’ny mpandefitra,+Toy izay mifampizara harena* amin’ny olona manambony tena.
20 Hahomby* ny olona mandinika tsara an’izay ataony,Ary sambatra izay matoky an’i Jehovah.
21 Izay manana fo hendry no hatao hoe mahira-tsaina,+Ary izay manao teny mahafinaritra* no maharesy lahatra olona.+
22 Raha lalin-tsaina ny olona, dia loharanon’aina ho azy izany,Fa ny tsisy saina kosa faizin’ny hadalany ihany.
23 Ny fon’ny hendry mahatonga azy hifidy tsara an’izay hoteneniny,+Ka maharesy lahatra olona ny zavatra lazainy.
24 Toho-tantely ny teny mahafinaritra,Ka sady mamy no manasitrana ny taolana.+
25 Misy lalana eritreretin’ny olona hoe mety,Nefa any amin’ny fahafatesana no hiafarany.+
26 Mikely aina miasa mafy ny mpiasa satria te hihinan-kanina.Miasa mafy mantsy izy satria noana.*+
27 Zava-dratsy no fongarin’ny olona tsy misy ilana azy,+Ary toy ny afo mandoro ny teniny.+
28 Mampisy ady fotsiny ny mpanakorontana,*+Ary mampisaraka ny mpinamana be ny mpanendrikendrika.+
29 Mitaona ny namany hanao ratsy ny olona tia herisetra,Sady mitarika azy any amin’ny lalan-diso.
30 Mipy maso izy rehefa mitetika hanao ratsy,
Dia manaiki-molotra rehefa manatanteraka ny sain-dratsiny.
31 Satroboninahitra tsara tarehy* ny volofotsy,+Raha ao amin’ny lalan’ny fahamarinana no ahazoana azy.+
32 Aleo olona tsy mora tezitra+ toy izay lehilahy matanjaka,Ary aleo olona mahafehy tena* toy izay olona mahazo tanàna ho babo.+
33 Eo am-pofoana no anaovana antsapaka,+Fa an’i Jehovah kosa ny fanapahan-kevitra rehetra amin’izany.+
Fanamarihana
^ Na: “valiny marina.” Abt: “valin-tenin’ny lela.”
^ Abt: “An’ny olona ny mandamina ny ao am-po.”
^ Abt: “madio.”
^ Abt: “ny toe-tsaina.”
^ Abt: “Andao hifandray tanana.”
^ Na: “misoroka.”
^ Na: “Halavirin’ny lalamben’ny olo-marina.”
^ Na: “ny lalany.”
^ Na: “zavatra azo babo.”
^ Abt: “Hahita soa.”
^ Na: “izay miteny amin-katsaram-panahy.” Abt: “ny hamamin’ny molotra.”
^ Abt: “noho ny vavany.”
^ Na: “ny mpanao teti-dratsy.”
^ Na: “be voninahitra.”
^ Abt: “mifehy ny sainy.”
