Ohabolana 18:1-24
18 Izay mitokantokana dia tsy mitady afa-tsy izay tiany fotsiny,Ka laviny* daholo rehefa mety ho fahendrena.
2 Tsy tian’ny tsisy saina ny ho lasa mahira-tsaina,Fa aleony mamoaka ny ao am-pony.+
3 Rehefa tonga ny ratsy fanahy, dia misy koa ny fanaovana tsinontsinona,Ary miaraka amin’ny fahafaham-baraka ny henatra.+
4 Rano lalina ny teny lazain’ny vavan’ny olona,+
Ary rano miboiboika ny loharanom-pahendrena.
5 Tsy tsara raha ny ratsy fanahy indray no iangarana,+Na hoe ny olo-marina indray no tsy omena rariny.+
6 Mahatonga fifamaliana ny tenin’ny tsisy saina,+Ary ny vavany no mahatonga azy ho voakapoka.+
7 Ny tenin’ny tsisy saina no mampidi-kizo azy.+Fandrika ho an’ny ainy koa ny zavatra lazainy.
8 Ny tenin’ny mpanendrikendrika dia hoatran’ny sakafo matsiro,*+Ka tonga dia midina any an-kibo.+
9 Izay kamo miasa,Dia rahalahin’ny mpandrava.+
10 Ny anaran’i Jehovah dia tilikambo mafy.+
Mihazakazaka mankao ny olo-marina ka voaro.*+
11 Amin’ny mpanankarena dia toy ny tanàna voaro mafy ny harenany.Heveriny hoe manda fiarovana izany.+
12 Ho lavo izay manambony tena,+Ary hahazo voninahitra izay manetry tena.+
13 Izay mamaly nefa mbola tsy nihaino akory,Dia tsisy saina sady ho afa-baraka.+
14 Zakan’ny olona matanja-tsaina ny aretiny,+Fa iza kosa no mahazaka ny hakiviana?*+
15 Miezaka hahazo fahalalana ny fon’ny mahira-tsaina,+Ary te hihaino fahalalana ny sofin’ny hendry.
16 Ny fanomezana ataon’ny olona dia manokatra lalana ho azy,+Ka mahatonga azy ho afaka hankeo anatrehan’ny olona ambony.
17 Hoatran’ny hoe izay miteny voalohany no marina,+Mandra-pahatongan’ny ankilany, izay manadihady tsara azy.*+
18 Mampitsahatra fifandirana ny antsapaka,+Sady mamaha olana eo amin’ny* mpifahavalo samy matanjaka.
19 Sarotra kokoa noho ny mandresy tanàna voaro mafy ny mampitony rahalahy tezitra,+Ary mampisaraka olona ny fifandirana, toy ny bara vy hidim-bavahadin’ny tanàna misy manda.+
20 Ho vokin’ny teniny* ny kibon’ny olona,+Ary ho vokin’ny teny avoakan’ny molony izy.
21 Samy vitan’ny lela na ny mamono na ny mamelona.+Izay tia mampiasa azy dia hijinja ny vokany.+
22 Izay mahita vady tsara dia mahazo zava-tsoa,+Sady ankasitrahan’i Jehovah.+
23 Mitalaho ny mahantra rehefa miteny,Fa mitrerona azy kosa ny mpanankarena.
24 Misy mpinamana vonona hifamotika,+Fa misy kosa namana mifikitra noho ny rahalahy aza.+
Fanamarihana
^ Na: “ataony tsinontsinona.”
^ Na: “zavatra atao teli-moka.”
^ Abt: “asandratra”, izany hoe tsy tratran’ny loza.
^ Na: “famoizam-po?”
^ Na: “izay mamotopototra azy.”
^ Abt: “Sady mampisaraka ny.”
^ Abt: “vavany.”
