Salamo 31:1-24
Ho an’ny mpitarika. Hiran’i Davida.
31 Ianao no ialofako, Jehovah ô!+
Enga anie aho tsy ho menatra mihitsy!+
Vonjeo aho satria manao ny rariny ianao.+
2 Aoka ianao hanongilan-tsofina hihaino ahy.*
Tongava haingana hanafaka ahy.+
Aoka ianao ho fiarovana mafy ho ahy eny an-tendrombohitra,Ho toerana voaro mafy mba hahavoavonjy ahy.+
3 Fa ianao no harambatoko sy manda fiarovana+ ho ahy;Hitari-dalana sy hitondra ahy ianao,+ noho ny anaranao.+
4 Hafahanao avy ao anaty harato namandrihana ahy an-tsokosoko aho,+Fa ianao no fiarovana mafy ho ahy.+
5 Ankiniko aminao* ny aiko.+
Nanavotra ahy ianao, ry Jehovah Andriamanitry ny fahamarinana* ô!+
6 Halako ireo mivavaka amin’ny sampy tsy misy dikany sy tsy misy ilana azy,Fa izaho kosa hitoky amin’i Jehovah.
7 Ho faly be aho noho ianao be fitiavana sy tsy mivadika,Satria hitanao ny fijaliako;+Fantatrao ny fahoriana mafy manjo ahy.
8 Tsy nanolotra ahy teo an-tanan’ny fahavalo ianao,Fa mampijoro ahy eo amin’ny toerana tsy mampidi-doza.*
9 Jehovah ô, iantrao aho fa mijaly.
Reraky ny fahoriana ny masoko+ sy ny vatako manontolo.*+
10 Lany tamin’ny alahelo ny fiainako,+Ary lany tamin’ny fitarainana ny taona iainako.+
Mihena ny heriko noho ny fahadisoako;Mihamalemy ny taolako.+
11 Manao tsinontsinona ahy daholo ny fahavaloko,+Indrindra fa ny mpiara-monina amiko.
Ary atahoran’ny olom-pantatro aho;Andosiran’izy ireo aho rehefa hitany eny ivelany eny.+
12 Tsy ao am-pon’izy ireo* intsony aho sady efa hadinony, toy ny hoe efa maty;Hoatran’ny vilany vaky aho.
13 Maheno fanaratsiana etsy sy eroa aho;Manjaka hatraiza hatraiza ny horohoro.+
Rehefa mivondrona hanohitra ahy izy ireo,Dia mitetika ny hanapitra ny aiko.+
14 Fa izaho kosa matoky anao, Jehovah ô!+
Hoy aho: “Ianao no Andriamanitro.”+
15 Eo an-tananao ny aiko.*
Vonjeo aho tsy ho azon’ny fahavaloko sy ny mpanenjika ahy.+
16 Aoka ianao ho miramirana* amin’ny mpanomponao.+
Vonjeo aho satria be fitiavana sy tsy mivadika ianao.
17 Jehovah ô, enga anie tsy ho menatra aho rehefa miantso anao!+
Enga anie ny ratsy fanahy hatao afa-baraka,+Ary hatao tsy mahateny intsony ao amin’ny Fasana!*+
18 Aoka tsy hahateny ny molotra mandainga,+Dia ny molotra miteny an’avona hanohitra ny olo-marina, ka mirehareha sy manambany azy.
19 Lehibe tokoa ny hatsaran-toetranao!+
Tehirizinao ho an’ireo matahotra anao izany,+Sady asehonao amin’ireo mialoka aminao, eo anatrehan’ny olona rehetra.+
20 Hafeninao ao amin’ny toerana miafina eo anatrehanao izy ireo,+Mba tsy ho voan’ny teti-dratsy ataon’ny olona;Hanafina azy ireo ao amin’ny trano fialofanao ianao,Mba tsy hotafihin’ny olona ratsy saina* izy ireo.+
21 Hoderaina anie i Jehovah,Fa nasehony tamin’ny fomba miavaka hoe tia ahy sy tsy nivadika tamiko izy,+ tao amin’ny tanàna natao fahirano.+
22 Izaho kosa natahotra be sady nikoropaka ka niteny hoe:
“Ho ringana tsy ho eo anatrehanao aho.”+
Renao anefa ny fitalahoako rehefa niantso vonjy taminao aho.+
23 Aoka ho tia an’i Jehovah ianareo rehetra tsy mivadika aminy!+
Arovan’i Jehovah ny olona mendri-pitokisana,+Fa saziny mafy dia mafy kosa izay mirehareha.+
24 Manàna herim-po ary enga anie hatanjaka ny fonareo,+Dia ianareo rehetra izay miandry an’i Jehovah.+
Fanamarihana
^ Na: “Miondreha ary henoy aho.”
^ Na: “Ankiniko eo an-tananao.”
^ Na: “Andriamanitra mendri-pitokisana.”
^ Na: “toerana malalaka.”
^ Na: “sy ny tenako sy ny kiboko.”
^ Na: “an-tsain’izy ireo.”
^ Abt: “fotoanako.”
^ Abt: “hampamirapiratra ny tavanao.”
^ Abt: “Mba tsy ho azon’ny lela tia mifanditra.”
