Salamo 32:1-11
Maskila* nataon’i Davida.
32 Sambatra izay voavela ny helony ary voasarona* ny fahotany.+
2 Sambatra ny olona izay tsy lazain’i Jehovah hoe meloka,+Dia ny olona tsy mieritreritra ny hamitaka.
3 Rehefa tsy nety niteny aho, dia nihalany ny heriko* satria nitaraindraina tontolo andro aho.+
4 Fa navesatra tamiko ny tananao,*+ na andro na alina.
Ritra ny heriko,* toy ny rano azon’ny hafanana migaingaina. (Sela)
5 Niaiky ny fahotako teo anatrehanao aho tamin’ny farany;Tsy mba nosarontsaronako ny fahadisoako.+
Hoy aho: “Hiaiky ny heloko eo anatrehan’i Jehovah aho.”+
Dia namela ny fahadisoako sy ny fahotako ianao.+ (Sela)
6 Izany no mahatonga an’izay rehetra tsy mivadika hivavaka aminao,+Dieny mbola hita ianao.+
Amin’izay dia tsy hahatratra azy na dia ny tondra-drano aza.
7 Toeram-piafenana ho ahy ianao;Hiaro ahy tsy hijaly ianao.+
Hataonao manodidina ahy ny horakora-pifalian’ireo nafahanao.+ (Sela)
8 “Hataoko izay hahatonga anao ho lalin-tsaina, ary hatoroko anao ny lalana tokony halehanao.+
Hanoro hevitra anao aho ary hitsinjo anao ny masoko.+
9 Aza manao hoatran’ny soavaly na ny ramole tsisy saina.+Tsy maintsy tazonina amin’ny lamboridy na tady izy mba tsy hitrifana,Amin’izay izy vao hanatona anao.”
10 Be ny fijalian’ny ratsy fanahy;Fa manodidina an’izay matoky an’i Jehovah kosa ny fitiavany sy ny tsy fivadihany.+
11 Mifalia amin’i Jehovah ianareo olo-marina, ary miravoravoa;Mihobia ianareo rehetra mahitsy fo.
Fanamarihana
^ Na: “voavela.”
^ Abt: “taolako.”
^ Na: “ny tsy fankasitrahanao.”
^ Na: “Niova ny hamandoan’ny fiainako.”
