Salamo 68:1-35
Ho an’ny mpitarika. Salamo nataon’i Davida. Hira.
68 Aoka hitsangana Andriamanitra, dia hiparitaka ny fahavalony.Aoka handositra eo anatrehany izay mankahala azy.+
2 Horoahinao anie ireny ka hataonao toy ny setroka entin’ny rivotra!Toy ny savoka mitsonika eo anoloan’ny afoNo aoka hahalevona ny ratsy fanahy tsy ho eo anatrehan’Andriamanitra.+
3 Fa aoka hifaly kosa ny olo-marina;+Enga anie izy ireo ho faly be eo anatrehan’Andriamanitra!Hiravoravo sy ho faly anie izy ireo!
4 Mihirà ho an’Andriamanitra! Manaova hira fiderana* ho an’ny anarany.+
Mihirà ho an’Ilay mandeha mamakivaky ny lemaka karakaina.*
Jah* no anarany!+ Mifalia eo anatrehany!
5 Rain’ny kamboty ray sady mpiaro* ny mpitondratena+Andriamanitra, ao amin’ny fonenany masina.+
6 Manome trano ho an’ireo manirery Andriamanitra.+Manafaka ny voafonja izy ka ataony mahomby izay ataon’izy ireny.+
Fa izay mafy loha* kosa honina any amin’ny tany karakaina.+
7 Rehefa nitarika* ny vahoakanao ianao, Andriamanitra ô,+Ka nandeha namakivaky ny tany efitra, (Sela)
8 Dia nihovotrovotra ny tany;+Nandrotsaka orana* ny lanitra satria teo Andriamanitra.Nihovotrovotra i Sinay satria teo Andriamanitra, dia ilay Andriamanitry ny Israely.+
9 Nampilatsaka oram-be ianao, Andriamanitra ô!Nohatanjahinao indray ny vahoakanao* efa reraka.
10 Nipetraka tao amin’ny tranolay tao amin’ny tobinao izy ireo;+Tsara toetra ianao ka nanome izay nilain’ny mahantra, Andriamanitra ô!
11 Manome baiko i Jehovah;Tafika lehibe ny vehivavy+ manambara ny vaovao tsara.
12 Mandositra ireo mpanjakan’ny tafika,+ eny, mandositra izy ireo!
Mahazo anjara amin’izay nobaboina ny vehivavy mijanona ao an-trano.+
13 Na dia matory eny akaikin’ny afon-dasy* aza ianareo,Dia hahazo voromailala manana elatra rakotra volafotsy,Sy volon’elatra volamena tena tsara.*
14 Rehefa naparitak’Ilay Mahery Indrindra ireo mpanjaka tao amin’ilay tany,+Dia nirotsaka ny lanezy teo Zalmona.*
15 Tendrombohitr’Andriamanitra* ny tendrombohitr’i Basana.+Tendrombohitra misy tendrony maro ny tendrombohitr’i Basana.
16 Nahoana ianareo, ry tendrombohitra misy tendrony maro, no mialonaAn’ilay tendrombohitra nofidin’Andriamanitra* ho fonenany?+
Hipetraka ao mandrakizay tokoa i Jehovah.+
17 An’alinaliny ny kalesin’Andriamanitra fitondrany miady, eny, an’arivoarivony.+
Avy tany Sinay i Jehovah no nankao amin’ny toerana masina.+
18 Niakatra tany amin’ny avo ianao,+Ary nitondra olona maro ho babo.Nisy lehilahy nentinao ka nataonao fanomezana,+Eny, nentinao na dia ireo mafy loha aza,+ mba hiarahanao mipetraka aminy, ry Jah Andriamanitra ô!
19 Hoderaina anie i Jehovah, izay mitondra ny entantsika isan’andro,+Dia ilay tena Andriamanitra mpamonjy antsika! (Sela)
20 Ilay tena Andriamanitra no Andriamanitra mamonjy antsika;+Ary i Jehovah, ilay Tompo Fara Tampony, no manafaka amin’ny fahafatesana.+
21 Tena hopotipotehin’Andriamanitra ny lohan’ny fahavalony,Dia ny tampon-dohan’izay mikiry* manota.*+
22 Hoy i Jehovah: “Hitondra azy ireo hiverina avy any Basana+ aho;Hoentiko miverina avy any amin’ny ranomasina lalina izy ireo,
23 Mba hihosin-dra ny tongotrao+Ary hilelaka ny ran’ny fahavalo ny alikanao.”
24 Hitan’ny olona ny filaharana tarihinao, Andriamanitra ô,Dia ny filaharana tarihin’ilay Andriamanitro sady Mpanjakako, mankao amin’ny toerana masina.+
25 Ny mpihira no mandeha eo aloha, ny mpitendry zavamaneno no manaraka azy ireo,+Ary ny tovovavy mively ampongatapaka no eo afovoany.+
26 Miderà an’Andriamanitra eo anivon’ny vahoaka tafavory;Miderà an’i Jehovah, ianareo avy amin’ny Loharanon’i Israely.+
27 Io i Benjamina,+ ilay zandriny indrindra. Naharesy an’ireny izy,Sy ny andrianan’i Joda miaraka amin’ny vahoakany mihorakoraka,Ary ny andrianan’i Zebolona sy ny andrianan’i Naftaly.
28 Namoaka didy ny Andriamanitrao hoe hahery ianao.
Asehoy ny herinao, Andriamanitra ô, dia ianao izay nanao zavatra ho anay.+
29 Noho ny tempolinao ao Jerosalema,+Dia hitondra fanomezana ho anao ireo mpanjaka.+
30 Teneno mafy ny bibidia any anaty bararata,Ny andian’ombilahy+ sy ny zanany,Mandra-piankohok’ireo firenena sy hitondrany* volafotsy.
Aparitany kosa ireo firenena tia ady.
31 Hisy zavatra vita amin’ny halimo hoentina* avy any Ejipta.+Ho maika hanolotra fanomezana ho an’Andriamanitra i Kosy.
32 Mihirà ho an’Andriamanitra ianareo, ry fanjakana eto an-tany,+Manaova hira fiderana* ho an’i Jehovah, (Sela)
33 Dia ho an’ilay mitaingina ny lanitry ny lanitra+ izay efa nisy hatry ny ela.
Izany izy fa mampikotrokotroka ny feony, dia ny feony mafy dia mafy!
34 Ekeo fa mahery Andriamanitra.+
Ambony dia ambony izy eo amin’ny Israely,Ary asehony avy any an-danitra* ny heriny.
35 Mendrika hatahorana Andriamanitra, izay ao amin’ny toerany* masina be voninahitra.+
Izy no Andriamanitry ny Israely,Izay manome hery sy tanjaka ho an’ny olona.+
Derao Andriamanitra!
Fanamarihana
^ Na: “Mitendre mozika.”
^ Na mety hoe “mandeha eny ambony rahona.”
^ “Jah” no fanafohezana an’ilay anarana hoe Jehovah.
^ Abt: “mpitsara.”
^ Na: “mpikomy.”
^ Abt: “nivoaka teo anoloan’ny.”
^ Abt: “Nitete.”
^ Abt: “lovanao.”
^ Na mety hoe “eny amin’ny valan’ondry.”
^ Na: “maitso somary mavo.”
^ Na: “Dia toy ny hoe nisy lanezy teo Zalmona.”
^ Na: “Tendrombohitra manerinerina.”
^ Na: “irin’Andriamanitra.”
^ Na: “mandeha.”
^ Abt: “amin’ny helony.”
^ Na mety hoe “hanitsakitsahany.”
^ Na mety hoe “Hisy ambasadaoro.”
^ Na: “Mitendre mozika.”
^ Abt: “any anaty rahona.”
^ Abt: “toeranao.”
