1. Hita ao amin’ny soratra hebreo nataon’ny Masoreta ny hoe Avena, ao amin’ny Ezekiela 30:17, ka mampiasa an’io teny io ny Fandikan-teny Protestanta. Baiboly maoderina maro kosa no mampiasa hoe “Ona”, izay tsy iza fa ilay tanàna ejipsianina nantsoin’ny Grika hoe Heliopolisy. Mitovy ihany ny renisoratra hebreo ao amin’ilay teny hoe Avena sy Ona, fa ny teboka solon’ny zanatsoratra no samy hafa. Misy manazava fa niniana novana ireo teboka solon’ny zanatsoratra ireo, mba hanaovana tsilaolaon-teny fanesoana an’i Ona, tanàna mpanompo sampy. Tao mantsy no foiben’ny fivavahana tamin’ny masoandro, tany Ejipta.​—Jereo ONA No. 2.

[2, 3: Fanaovan-dratsy; Zava-dratsy]

2. Hita ao amin’ny soratra hebreo ny hoe Avena, ao amin’ny Hosea 10:8, angamba ho fanafohezana ny hoe Beti-avena.​—Ampit. Ho 4:15; 5:8; 10:5; jereo BETI-AVENA No. 2.

3. Miresaka momba ny “lohasahan’i Avena” ny Amosa 1:5 (Prot.), ary nadika hoe “Bikata-avena” izy io ao amin’ny TV sy Kat.​—Jereo BIKATA-AVENA.