(Bany) [avy amin’ny fototeny midika hoe “manorina”].

1. Levita taranak’i Merary, ary razamben’ilay Etana notendren’i Davida hanompo tao amin’ny tempoly.​—1Ta 6:31, 44, 46.

2. Gadita anisan’ireo lehilahy maherin’i Davida.​—2Sa 23:36.

3. Taranak’i Joda avy tamin’i Pereza. Nonina tao Jerosalema ny taranak’io Bany io, taorian’ny sesitany. (1Ta 9:3, 4) Lohan’ny fianakaviambe izy io, ary mety ho izy ihany ilay Bany No 4 sy No 5 na ilay No 4 sy No 6.

4. Lohan’ny fianakaviambe. Nisy 600 mahery ny taranany niverina tany Jerosalema niaraka tamin’i Zerobabela. (Ezr 2:1, 10) Binoy no iantsoan’ny Nehemia 7:15 azy.​—Jereo BANY No. 3.

5. Loham-pianakaviana. Nisy enina ny taranany nandroaka an’ireo vadiny hafa firenena mbamin’ny zanany, tamin’ny andron’i Ezra. Tsy mitovy ity Bany ity sy ilay No. 6.​—Ezr 10:29, 44; jereo BANY No. 3.

6. Loham-pianakaviana teo amin’ny Israely. Toa 12 ny taranany nandroaka an’ireo vadiny hafa firenena mbamin’ny zanany, tamin’ny andron’i Ezra. Tsy mitovy ity Bany ity sy ilay No. 5.​—Ezr 10:34, 44; jereo BANY No. 3.

7. Levita rain’ilay Rehoma nanampy tamin’ny fanamboarana ny simba teo amin’ny mandan’i Jerosalema tamin’ny 455 T.K. Ampitahao amin’i BANY No. 8-10, 12.​—Ne 3:17.

8. Levita nanampy an’i Ezra rehefa novakina sy nohazavaina tamin’ny vahoaka ny Lalàna.​—Ne 8:7; 9:4, 5; jereo BANY No. 7.

9. Ilay faharoa tamin’ireo Levita roa nantsoina hoe Bany, izay nijoro teo amin’ny lampihazo rehefa nibaboka ampahibemaso ny fahotany ny Israely, tamin’ny taona 455 T.K.​—Ne 9:4.

10. Levita iray. Nanisy tombo-kase an’ilay “fianianana” tamin’ny andron’i Nehemia ny taranany, na izy mihitsy.​—Ne 9:38; 10:13.

11. Iray tamin’ireo “lohandohany teo amin’ny vahoaka.” Nanisy tombo-kase an’ilay “fianianana” tamin’ny andron’i Nehemia koa ny taranany, na izy mihitsy.​—Ne 9:38; 10:14.

12. Levita taranak’i Asafa, sady rain’i Ozy mpiandraikitra ny Levita tao Jerosalema tamin’ny andron’i Nehemia.​—Ne 11:22; jereo BANY No. 7.