(Barabàsy) [Zanakalahin’ny Ray; mety hidika hoe Zanakalahin’ny Mpampianatra].

Jiolahy voafonja, meloka ho nangalatra sy nitaona  olona hikomy ary namono olona. Izy no nafahan’i Pilato ho solon’i Jesosy. Tian’i Pilato ‘homena fahafaham-po’ mantsy ilay vahoaka, izay nasain’ny lehiben’ny mpisorona sy ny anti-panahy hiantsoantso ny hanafahana an’i Barabasy.​—Mt 27:15-26; Mr 15:6-15; Lk 23:16-25; Jn 18:39, 40; As 3:14.

Tsy hita ao amin’ny Soratra Hebreo ilay fanao miavaka hoe isaky ny Paska, isan-taona, dia nisy voafonja nafahana. Tsy misy porofo hafa ivelan’ny Soratra Masina koa anefa mampiseho hoe fanaon’ny Romanina izany. Toa ny Jiosy no namorona an’io fanao io, satria hoy i Pilato tamin’izy ireo: “Araka ny fombanareo koa ange dia tokony hanafaka olona iray ho anareo aho rehefa Paska e!”​—Jn 18:39.