[Heb.: gazam].

Bibikely mandady miofo ho lolo na samoina. Toa avy amin’ny fototeny midika hoe “manapaka” ny hoe gazam (heb.). Manapaka na mandidy tsikelikely ny ravina tsirairay amin’ny zavamaniry tokoa ny andiana fanday, toy ny valala ihany, ka mila ho ringitra mihitsy ilay zavamaniry. (Jl 1:4; 2:25; Am 4:9) Heverina fa “valala” no dikan’ny hoe gazam, saingy kampe (gr.) midika hoe fanday no ampiasain’ny Fandikan-teny Grikan’ny Fitopolo. Fanday koa, hoy i Koehler sy Baumgartner, no dikan’ny hoe gazam. (Lexicon in Veteris Testamenti Libros, Leyde, 1958, p. 178) Nisy àry Baiboly nandika azy io hoe “fanday” (Jl 1:4; 2:25, Le; TV; DIEM). Ny hafa kosa nanao hoe “kijeja” (Prot.) na “gazàna” (Kat.).

Zavamaniry ihany no tena sakafon’ny fanday, ary mirangorango izy ka misy mahalany indroan’ny lanjany ao anatin’ny iray andro. Tena simba àry ny zavamaniry andalovany, rehefa manao andiany izy ireo.