(Gederotàima).

Anarana midika hoe “Vala Vato Roa.” Anisan’ny tanànan’i Joda tany Sefela izy io, saingy tsy fantatra ny toerana nisy azy. (Js 15:20, 33, 36) Tsy Gederotaima no ao amin’ny Fandikan-teny Grikan’ny Fitopolo fa hoe “sy ireo valan’ondriny”, izany hoe ‘valan’ondrin’ilay’ toerana voatonona eo alohany, dia i Gadera. Raha izany no izy, dia tsy 15 ny tanàna ao amin’ilay lisitra fa 14 araka ny voalaza. (Js 15:33-36) Tsy mahazatra anefa ny mahita fitenenana toy izany ao anaty lisitra, ka misy mihevitra fa tokony hoe “Gadera na Gederotaima” no tokony hovakina eo fa tsy hoe “Gadera ary Gederotaima.”