(Hadràka).

Tany nomelohin’i Jehovah ao amin’ny faminanian’i Zakaria. Nambara tamin’ny 518 T.K. angamba io faminaniana io, ary hita ao fa tsy faly tamin’i Hadraka i Jehovah. Miara-voatonona amin’i Hadraka ny tanàna maromaro nanodidina an’i Israely, toa an’i Damaskosy, Hamata, Tyro, Sidona, ary ny tanànan’ny Filistinina toa an’i Askelona, Gaza, Ekrona, ary Asdoda.​—Za 9:1-8.

Mety ho tanàna fanjakana nifehy ny faritra nanodidina azy i Hadraka. Azo inoana fa izy ilay Hatarikka resahin’ny soratra asyrianina. Misy mihevitra fa ny havoanan’i Tell Afis, 45 km eo ho eo atsimoandrefan’i Alep, no Hatarikka. Nilaza i Tiglato-pilesera III mpanjaka asyrianina fa anisan’ireo “faritra 19 any Hamata” izy io.​—Soratra Momba An’i Israely sy ny Tany Manodidina Azy, nataon’i J. Pritchard, 1974, p. 282, 283.