(Hymenèo) [avy amin’ny hoe Hymen, andriamanitry ny fanambadiana teo amin’ny Grika].

Kristianina nivadi-pinoana tamin’ny taonjato voalohany. Nilaza i Paoly fa nanevateva an’Andriamanitra sy nanao “resaka tsy misy fotony izay manazimbazimba zava-masina” izy. Niala tamin’ny fahamarinana i Hymeneo sy Fileto, ka nampiala ny sasany tamin’ny finoana noho ny fampianaran-dison’izy ireo, ohatra hoe “efa nitranga sahady, hono, ny fitsanganana amin’ny maty.” Azo inoana fa nampianatra izy ireo hoe fitsanganana amin’ny maty an’ohatra ilay izy, ka efa natsangana tamin’ny maty ny Kristianina nanokan-tena ho an’Andriamanitra, ary izay ihany fa tsy misy fitsanganana hafa amin’ny hoavy, rehefa tonga ny Fanjakan’Andriamanitra tarihin’ny Mesia.​—2Ti 2:16-18; ampit. 1Ko 15:12-23.

Notononin’i Paoly tao amin’ny taratasiny voalohany ho an’i Timoty i Hymeneo sy Aleksandra, izay nivadi-pinoana koa. Nilaza ilay apostoly fa efa natolony “ho an’i Satana” i Hymeneo sy Aleksandra, izany hoe noroahiny tsy ho anisan’ilay fiangonana izy ireo.​—1Ti 1:18-20.