FANAZAVANA MAHALIANA

Ireo Fiangonana Resahin’ny Apokalypsy

HANDEFA

SARITANY: Ireo Fiangonana Resahin’ny Apokalypsy

NIKARAKARA tsara ny mpianany voahosotra mbola teto an-tany i Jesosy Kristy, tamin’ny faramparan’ny taonjato voalohany, taorian’ny nitsanganany tamin’ny maty. Nasainy nanoratra taratasy ho an’ny “fiangonana fito any amin’ny faritr’i Azia” mantsy ny apostoly Jaona, izay efa zokiolona. (Ap 1:1-4) Tena nilaina ireny taratasy ireny satria nampahery sy nanoro hevitra ary nampitandrina.

Tanàna efa rava sisa no eo amin’ny ankamaroan’ny toerana nisy an’ireny fiangonana ireny. Ireo anefa no porofo fa tena nisy ireny toerana ireny sy ireo olona ary zavatra noresahin’i Jaona. Ny tena mahaliana kokoa aza, dia hoe mbola hitranga eo anivon’ny fiangonana kristianina atỳ aoriana ny zavatra noraketin’ireny hafatra ireny.

Tanàna ravan’i Efesosy. Namela ny fitiavany an’i Jehovah ho lefy ny Kristianina sasany tao amin’io tanàna nanan-karena io

Alitaran’i Zeosy tao Pergamosy, izay naorina indray. Noho izy io, dia nenjehina ireo Kristianina tao, izay tsy nivavaka afa-tsy tamin’i Jehovah

Smyrna (Izmir ankehitriny). Natao am-ponja ny Kristianina tao, tamin’ny taonjato voalohany, nefa nampirisihina mba tsy hatahotra. Efa nanam-paharetana koa ireo Kristianina tany Filadelfia nefa nampirisihina hihazona mafy an’izay efa nananany. Teo am-piandohan’ilay lohasaha lavalava miankandrefana mankany Smyrna no nisy an’i Filadelfia

Tyatira (Akhisar ankehitriny). Nanao hadalana ny Kristianina sasany tao, tamin’ny taonjato voalohany, satria naloto fitondran-tena, nefa mba efa nanao asa tsara ihany