Fitaovana lava taho fandraofana zavatra. Fanesorana lavenona teo amin’ny alitaran’ny fanatitra dorana ireo lapelina varahina tao amin’ny tranolay masina (Ek 27:1-3; 38:3; No 4:14), sy ireo nataon’i Hirama lehilahy hebreo-fenisianina ho an’ny tempolin’i Solomona (1Mp 7:13, 14, 40, 45). Anisan’ireo fanaky ny tempoly nobaboin’ny Babylonianina tamin’ny 607 T.K. ireny.​—2Mp 25:8, 14; Je 52:18.

Nisy lapelina (angamba vita tamin’ny hazo) nikororohana varimbazaha na voa hafa. (Is 30:24) Noraofina tamin’ny lapelina lehibe fikororohana ireo voa teny am-pamoloana, ary natsipy ambony mba hotsofin’ny rovitra ny akofa. Nilatsaka teo am-pamoloana kosa ny voa. Naminany i Jaona Mpanao Batisa fa toy ny hoe misy lapelina fikororohana eny an-tanan’ny Mesia, ary iny no hanavahany ireo “vary” an’ohatra amin’ny “akofa.”​—Mt 3:1, 12; jereo FIKOROROHANA.