Tandapa nanambara ampahibemaso ny baiko sy didin’ny mpanjaka. Hita ao amin’ny Daniela 3:4 ny hoe mpitondra hafatra. Nilaza ny didin’i Nebokadnezara izy io hoe tokony hivavaka amin’ilay sarivongana nataony ny rehetra. Nisy koa ‘nanambara’ fa lasa mpitondra fahatelo teo amin’ny fanjakan’i Babylona i Daniela, araka ny baikon’i Belsazara Mpanjaka. (Da 5:29) Nambaran’ny mpitondra hafatra ny anaran’ny mpifaninana tsirairay tamin’ny lalao grika fahiny sy ny tany niaviany, ary ny anaran’ny mpandresy sy ny tany niaviany ary ny anaran-drainy.

Keryssô no matoanteny grika nadika hoe “mitory.” Miverina imbetsaka ao amin’ny Soratra Grika Kristianina io matoanteny io, ary azo adika koa hoe “mitondra hafatra.” Toy ny mpitondra hafatra ny mpitory ny vaovao tsara momba ny Fanjakan’Andriamanitra.​—Mt 24:14; Mr 13:10; ampit. Lk 8:39; Ap 5:2.

Midika hoe “manambara” (vaovao tsara na ratsy) ny hoe keryssô, fa ny hoe eoaggelizômai kosa midika hoe “milaza vaovao tsara.” Nitory (na nitondra hafatra, keryks) tamin’ny olona i Noa hoe ho avy ny Safodrano. (2Pe 2:5) Nitory (na nitondra hafatra) tamin’ireo fanahy tao am-ponja i Kristy, saingy tsy vaovao tsara ilay izy.​—1Pe 3:18, 19.