(Romàha) [Haavo; Toerana Misandratra].

Tanàna niavian’i Zebida sy Pedaia rainy. Vadin’i Josia mpanjakan’ny Joda i Zebida sady renin’i Joiakima. (2Mp 23:34, 36) Tsy fantatra ny tena toerana nisy an’i Romaha. Misy milaza azy io ho i Kirbet er-Romeh (Horvat Roma), izay mitovy anarana aminy. Tokotokony ho 10 km any avaratr’i Nazareta izy io. Misy kosa milaza an’i Romaha ho ilay Aroma resahin’ny Mpitsara 9:41, izay heverina fa tany akaikin’i Sekema.​—Jereo AROMA.