FANAZAVANA MAHALIANA

Topy Maso Amin’ny Fiainan’i Jakoba

HANDEFA

TIAN’ANDRIAMANITRA i Jakoba satria fatra-panaja zava-masina. (He 12:16, 17) Nomen’i Jehovah toky izy fa ny taranany no handova an’ilay tany nampanantenaina an’i Abrahama. Hoy koa i Jehovah: ‘Ny firenena rehetra eny ambonin’ny tany dia hanao izay hahazoany fitahiana amin’ny alalan’ny taranakao.’—Ge 28:4, 10-15.

Marina fa nanan-karem-be sy niteraka 12 lahy i Jakoba, kanefa tsy nandeha ho azy foana ny fiainany. Na izany aza, dia tsy nihena mihitsy ny finoany an’i Jehovah sy ny teniny. Hita tamin’izay nolazainy tamin’izy efa ho faty fa mbola nino an’ilay fampanantenana momba ny Mesia foana izy. (Ge 49:10) Anisan’ny taranak’i Jakoba i Jesosy Kristy, ilay hampiasain’Andriamanitra mba hitahiana ny olombelona mandrakizay.

TOERANA SY TANÀNA: Andinin-teny misy azy
Beri-sheba	Ge 28:10
Betela	Ge 28:11-19; 35:6-15
Betlehema	Ge 35:16-20
Dotana	Ge 37:13, 17-36
Ejipta	Ge 46:5-7, 28-30; 48:1–49:33
Harana	Ge 29:4–31:18
Mahanaima	Ge 32:1, 2
Mamre	Ge 35:27
Penoela	Ge 32:24-32
Sekema	Ge 33:18–34:31
Sokota	Ge 33:17

SARITANY: Jakoba

Tanànan’i Beitin, eo akaikin’ny tanànan’i Betela efa rava. Tao Betela i Jakoba no nilazan’Andriamanitra indroa fa izy no handova an’ilay fifanekena tamin’i Abrahama (Ge 28:13-19; 35:6-13)

Sisa tavela tamin’i Sekema. Tao ny zanakavavin’i Jakoba no nifanerasera tamin’ny ankizivavy kananita ka nisy nametaveta (Ge 34:1, 2)

Piramida Mikitohatohatra any Sakkara, Ejipta. Toa efa nisy izy io tamin’ny andron’i Jakoba. Tany Ejipta i Jakoba nandritra ny 17 taona farany niainany

Fandalinana ny Soratra Masina