Zebadia
(Zebadìa) [Hanome Anie i Jehovah].
1. Benjamita iray zanakalahin’i Beria, na taranany.—1Ta 8:1, 15, 16.
2. Benjamita iray zanakalahin’i Elpala, na taranany.—1Ta 8:1, 17, 18.
3. Miaramila benjamita iray niandany tamin’ny tafik’i Davida tany Ziklaga. Zanakalahin’i Jerohama avy any Gedora i Zebadia.—1Ta 12:1, 2, 7.
4. Zana-drahalahin’i Joaba ary lehiben’ny fahefatra tamin’ireo antoko-miaramila nifandimby isam-bolana. Voalaza fa ‘nandimby an’i Asahela rainy’ i Zebadia. (2Sa 2:23) Angamba izy no lasa mpitari-tafik’ilay antoko-miaramila, rehefa maty i Asahela. Raha taorian’ny nahafatesan’i Asahela kosa vao nisy antoko-miaramila nifandimby isam-bolana, dia mety hidika izany fa i Zebadia no notendrena ho lehiben’ny fizarana iray nitondra ny anaran’i Asahela.—1Ta 27:1, 7; jereo ASAHELA No. 1.
5. Mpiandry vavahady nomen’i Davida andraikitra, tamin’izy nandamina ny fanompoan’ireo Levita. Zanakalahin’i Meselemia korahita i Zebadia.—1Ta 26:1, 2.
6. Levita nirahin’i Josafata hampianatra ny lalàn’i Jehovah tao amin’ireo tanànan’i Joda, tamin’ny taona fahatelo nanjakany, izany hoe tamin’ny 934 T.K.—2Ta 17:7-9.
7. Filohan’ny taranak’i Joda ary zanakalahin’i Ismaela. Anisan’ireo notendren’i Josafata Mpanjaka hitsara ny adin’ny mponina i Zebadia.—2Ta 19:8-11.
8. Lohan’ireo fianakaviamben’i Sefatia. I Zebadia, zanak’i Mikaela, no nitarika an’ireo 80 lahy anisan’ny fianakaviambeny, mba hiverina tany Jerosalema niaraka tamin’i Ezra tamin’ny 468 T.K.—Ezr 8:1, 8.
9. Mpisorona taranak’i Imera ary anisan’ireo nampirisihan’i Ezra hisaraka tamin’ny vadiny hafa firenena.—Ezr 10:19, 20.