Jerosalema sy ny Tempolin’i Solomona
NANTSOINA hoe “tena fahatsaran-tarehy” sy “tanànan’ny Mpanjaka lehibe” izy io. (Sl 48:2; 50:2; Ft 2:15) I Jerosalema no renivohitry ny firenen’Andriamanitra. (Sl 76:2) Rehefa azon’i Davida tamin’ny Jebosita ilay tanàna, dia nataony renivohiny ary nantsoina hoe “Tanànan’i Davida”, na “Ziona.”—2Sa 5:7.
Tsy dia tsara toerana loatra i Jerosalema, nefa nalaza izy satria tanàna nampitoeran’Andriamanitra ny anarany. (De 26:2) Tao no foiben’ny fivavahana sy ny fitantanana an’ilay firenena.
Eo ambonin’ny tendrombohitra afovoany any Jodia, any amin’ny 750 metatra ambonin’ny ranomasina, no misy an’i Jerosalema. Resahin’ny Baiboly fa “avo” izy io ary ‘miakatra’ ny mpivavaka vao tonga any. (Sl 48:2; 122:3, 4) Voahodidina lohasaha ilay tanàna fahiny: ny Lohasahan’i Hinoma, no eo amin’ny ilany andrefana sy atsimo, ary ny lohasaha falehan’ny riaka any Kidrona, no eo amin’ny ilany atsinanana. (2Mp 23:10; Je 31:40) Namatsy rano mamy an’ilay tanàna ny loharanon’i Gihona, a any amin’ny Lohasahan’i Kidrona, sy En-rogela any atsimo. Tena ilaina izy ireo, amin’ny fotoana fanafihan’ny fahavalo.—2Sa 17:17.
Mena ny lokon’ny Tanànan’i Davida eo amin’ny kisary, pejy 21. Nitatra nianavaratra, nahafaoka an’i Ofela (maitso) sy ny Tendrombohitra Moria (manga) ilay tanàna, nandritra ny fanjakan’i Davida sy Solomona. (2Sa 5:7-9; 24:16-25) Nanorina tempoly tsara tarehy teo amin’io tendrombohitra io i Solomona. Alao sary an-tsaina ireo mpivavaka maro be miakatra ny “tendrombohitr’i Jehovah”, mba hamonjy ny andro firavoravoana fanao isan-taona! (Za 8:3) Manamora an’ilay dia ireo lalana hita ao amin’ny pejy 17.
Anisan’ireo trano lafo vidy indrindra naorina hatramin’izay ny tempolin’i Solomona, satria volamena sy vatosoa sarobidy no nandravahana azy. Tena zava-dehibe koa ny hoe i Jehovah no nanome ny planin’ilay trano. Hitanao eo amin’ilay sary hoso-doko koa fa misy kianja sy trano fitantanan-draharaha eo akaikin’ilay tempoly. Tsara raha manokana fotoana hianarana ny tsipiriany momba azy ireny ianao.—1Mp 6:1–7:51; 1Ta 28:11-19; He 9:23, 24.
[Fanamarihana ambany pejy]
a Notampenan’i Hezekia Mpanjaka io loharano io, ary nanamboatra lakan-drano nankao amin’ny dobo iray teo amin’ny ilany andrefana izy.—2Ta 32:4,30.
[Kisary/Sary, pejy 21]
(Jereo ny bokikely)
Jerosalema/Tempolin’i Solomona
FARITRY NY TEMPOLY TAMIN’NY ANDRON’I SOLOMONA
Firafitry ny Tempoly
1. Masina Indrindra
2. Masina
3. Varavarana Mitafo
4. Boaza
5. Jakina
6. Alitara Varahina
7. Tavin-drano
8. Fitoeran-tavin-drano
9. Efitrano
10. Efitrano Fisakafoana
11. Kianja Anatiny
FARITRY NY TEMPOLY
T. Moria
Efitrano Fisakafoana
Fitoeran-tavin-drano
Efitrano
Masina Indrindra
Boaza
Masina
Varavarana Mitafo
Alitara Varahina
Jakina
Kianja Anatiny
Fitoeran-tavin-drano
Tavin-drano
Ofela
Kianja?
Vavahadin-drano?
TANÀNAN’I DAVIDA
T. Ziona
Lapan’i Davida
Vavahadin-doharano
Mandan’i Manase?
Tilikambo Hananela
Tilikambo Mea
Vavahadin’ondry
Vavahadin-tranomaizina
Vavahady Mifikada
Vavahadin-tsoavaly
LOHASAHAN’I KIDRONA
Manda Ivaiva?
Gihona
Lakan-drano tatỳ aoriana
LOHASAHAN’I TYROPOEONA
Vavahadin-jezika (Mpanefy Tanimanga) (Tain-droroha)
En-rogela
Vavahady Mankany An-dohasaha
LOHASAHAN’I HINOMA
Vavahady An-jorony
Tilikambon’ny Fatana Fandoroana
Manda Lehibe
Vavahadin’i Efraima
Kianja
Vavahady Taloha
Manda Avaratra Tany Am-boalohany
TANÀNA AMBANY
Vavahadin-kazandrano
[Sary]
Ofela
Tranon’ny Zanakavavin’i Farao
Lapan’i Solomona
Trano Alan’i Libanona
Lavarangana Maro Andry
Lavarangan’ny Seza Fiandrianana
T. Moria
Kianja Lehibe
Tempoly
[Sary, pejy 20]
Eo anoloana ny toerana nisy ny “Tanànan’i Davida.” Teo amin’ny faritra marin-tampona ny tempoly (eo aoriana)
[Sary, pejy 20]
Sarin’ny “Tanànan’i Davida” fahiny sy ny tempolin’i Solomona, natao tamin’ny ordinatera
