Afafazo ny Voan’ilay Fanjakana
Hira 133
Afafazo ny Voan’ilay Fanjakana
1. Avia ianareo tia an’i Jehovah,
Dia ianareo mpanompony.
Ataovy ny asa nanirahany,
Tahafo Jesosy Kristy.
Koa aoka hafafinareo hatrany
Ny voan’ilay Fanjakana.
Mahareta manampy ny olona,
Ho voninahitr’i Jehovah.
2. Ho lanin’ireo ‘voron’i’ Satana
Ny voa eny an-dalana.
Izay eny amin’ny tany be vato
Dia ho main’ny hafanana.
Ireo fanahiana dia toy ny tsilo,
’Zay mangeja mafy ny voa.
’Reo eny amin’ny tany tsara kosa
Dia haniry sy hamoa tokoa.
3. Ilaintsika ny manao fiezahana,
Mba hahazoana vokatra.
Mahareta, ampio ireo mpianatra
Hiatrika fitsapana,
Ka tsy ho voafitaky ny harena
Sy fahafinaretana.
Dia hamokatra telopolo na koa
Zato heny ny asantsika.