Hira 215

Aoka Isika Hamindra Fo

(Lioka 6:36)

1. ‘Efa ho tonga ny safodrano’,

Hoy Jehovah tamin’i Noa,

‘Mandehana manao sambofiara,

Mitoria amin’ny olona.’

I Noa ve nanda ilay asa,

Satria mbola tsy hainy ’zany?

Nankatò an’i Jehovah izy,

Ary namindra fo toa azy.

2. Horinganin’i Jah ’zao ny ratsy,

Nefa be famindram-po izy,

Ka asainy torina izany;

’Zay mihaino dia ho voavonjy.

Ianao ve hanao hoe: “Tsy mahay aho”,

Ka tsy sahy mitory ianao?

Tadidio ny famindram-pon’i Jah,

Ny fanahiny hanampy anao.

3. Ampianarin’i Jehovah isika,

Mbola mamindra fo izy ’zao.

Faly ’sika fa efa mahita

Taratry ny tontolo vaovao.

Anehoy famindram-po ny hafa,

Itorio ny olona rehetra.

Ampio izy mba hanolo-tena

Sy hanompo an’i Jehovah.