Aoka Isika ho Mendrika ny Anarantsika
Hira 34
Aoka Isika ho Mendrika ny Anarantsika
1. Jehovah Tompo, mahery indrindra,
Tia rariny sy be fitiavana.
Hendry ianao, ry Mpanjaka malaza,
Avy aminao ny fahamarinana.
Faly manompo anao ny anjely;
Ny zavaboary mankalaza anao.
Vavolombelonao ’zahay, Jehovah,
Ka te ho mendrika ny anaranao.
2. Tianay rehetra ny hanompo anao
Ary hampianatra ny ‘ondrinao’,
Hanara-dia an’i Jesosy Kristy
Sy hankatò ny toromarikao.
Tandremanay ny fitondran-tenanay
Mba tsy hanaratsy ny lazanao.
Tombontsoa ny fanompoana ataonay;
’Zahay ho mendrika ny anaranao.
3. Mpanomponao izahay, ry Jehovah,
Ka hiray saina sy hifankatia.
Hidera anao isan’andro izahay,
Ka ny fonay ho faly hatrany.
Ny olona hampianay ho voavonjy,
Ny anaranao hohamasinina,
Satria ny tena irinay indrindra
Dia ny hampifaly anao, Jehovah.