Hira 64

Finoana toy ny An’i Abrahama

(Genesisy 22:1-18)

1. Jehovah no mahalala

Ny zava-drehetra.

’Reo mankatò ny Teniny,

Tena ho sambatra.

’Zay nasainy nataon’ireo

Mpanompo fahiny,

Nanehoany ’zay hitranga

Koa ankehitriny.

2. Abrahama sy Isaka

Dia nankany Moria;

Notsapaina ny finoany

Sy ny fitiavany.

Jehovah Andriamanitra

No nandidy azy,

Mba hataony fanatitra

’Lay zanany tiany.

3. Abrahama nanolotra

Ny lahitokany,

Toy ny nataon’i Jehovah,

Namoy ny Zanany.

Raha mankatò isika dia

Hahazo fiainana;

Aoka hanam-pinoana toa

An’i Abrahama.