Hafanam-po ho An’ny Tranon’i Jehovah
Hira 31
Hafanam-po ho An’ny Tranon’i Jehovah
1. Feno zotom-po Jesosy
Niaro ny tranon’i Jah,
Tsy nandefitra ny ratsy,
Fa nanao ny marina;
Ka nitory famonjena
Ho an’ny mahitsy fo,
Nankalaza an’i Jehovah
Sy nafana fo tokoa.
2. Ireo Kristianina fahiny
Dia nazoto niasa koa.
Noho ny herin’ny fanahy,
Izy ’reo dia nitombo;
Tsy niahotra nitory,
Nandeha isan-tanàna,
Nitory ny famonjena
Sy ny fibebahana.
3. Misy koa ankehitriny
Vahoaka mafana fo,
Tia ny tsara, na eo aza
Ny ratsy mihamitombo.
Jehovah manampy azy
Mba hiasa amin’ny fo
Sy hazoto hanambara
Ny Fanjakan’ny Tompo.